نظرتها ليك حتى .. ساعة ما بصتلك .. لو دامت لعين غيرك .. مكنتش وصلتلك ....
مصطفى ابراهيمالمراية بعيدة جداً ،
و الطريق على مد شوفي ..
و الفضول اللي ف عنيا إني اشوفني ..
مداري خوفي ..
وصف كل الخلق ليا .. ليه تمللي عكس بعضه ؟
و كل وصف اتقال عليا .. ليه بييجي عكسه بعده ؟
حد شايف اني خايف .. غيره حاسس اني بايع ..
حبه فاكرين اني عارف .. حبة عارفين اني ضايع ..
طلعوا كل الطبايع ، الصفات الممكنة ..
و ارسموني بفرشة تايهة .. م الآراء و الألسنة ..
تطلع الصورة الغريبة ..لحد أصلاً مش هنا ..
و النتيجة كل مادا ..
صورتي تتلخبط زيادة ..
و أنسى أصل شكلي إيه ..
و للا نفسي أشوفني ليه ..
حد زيي بعد فترة ازاي يصدق غير عينيه ؟
نفسي أوصل للحقيقة ،،
قبل ما اوصل للنهاية..
نفسي أشوف صورتي الدقيقة ..
و لو دقيقة .. في المراية ..
و المراية ..
بعـيدة جداً ..
و الطريق على مد شوفي ..
و الفضول اللي ف عنيا .. إني اشوفني ..
مداري خوفي ..
الدم هيروح فين .. الدايــــره مقفوله ..!
مصطفى ابراهيمبخاف م الموت
عشان خايف ساعتها أكون
عبيط..كل اللي سبته..كلام
بشوف افلام
عن الدنيا
وعن حكايات
لناس عاشت حاجات تانية
وعن حكايات لناس ماعاشوش
وبَتأثّر
وبَتحسّر
على كل اللي كان ممكن
أكونه
بس ما بقيتهوش
تبّت يدا من ساب رفاق المعركة بطولهم
تمن القضية اللي اندفع مبقاش يجوز يرجع
تتعب تبص ف عين أصحابك الطايرةشوف مين من الأخر دفع ..
لو زيهم ... إدفع
تلت الرصاص نحو العدو .. تلتينه للخاين .
.الطعنة جاية من هنا مش من هناك
تعب النهاردة غير تعب بكرة .. الوقت مش دايمًا معاك
تحتك فيه ناس عاوزة الأمل .. مش عاوزه؟سيبهولهم ..
دايماً على قد ما تتساب ..سيب
وعلى قد ما واحشك أحباب ..غيب
كل الداين ..كان متداين
والدين بيلف بدون ترتيب
Stichwörter: مانفيستو
إذا كان الميزان مقلوب
ف يبقى العرض حقه الدم
ولو منفعش حدف الطوب
هتبقى البندقية أهم
ماتقولش الحظ اداني قفاه
وانه طلع فالصو والامونيا
الحظ يا عم ادَّاك وشُه
م الناحية التانية من الدنيا
والحضن دايماً يختصر
نُص الكلام
فيه فرق ما بين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده
Seite 1 von 2.
nächste letzte »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.