أشياء ثلاث باقيه ماقلتلك ..
إنّك مثل حزني .. قدر
وإنّك مثل ليلي سهر
وإنّك عمر ..
والعمر مرّه بالعمر !
والعمر مرّه بالعمر !!
لليل أحبك مابقى في السما نور
والا ضواني الليل للصبح أحبك
واللحظة اللي كلها صد وغرور
اشوف قبري بين عينك وقلبك
في صدري سراج حزين ومكسور
رغم المطر والريح شلته بدربك
والله مابه غير لوعاتي قصور
وخوفي عليك الله ربي وربك
الى متى بابني على صمتك جسور
لا حيرتني اسباب سلمك وحربك
العمر احبك مابقى فيني شعور
ومتى جفاني العمر وشلون احبك؟
تذكّر .. صوتك يناديني
تذكّر .. تذكّر ..
تذكر الحلم الصغير
وجدار من طين وحصير
وقمرا ورا الليل الضرير
على الغدير
لا هبّت النسمة تكسر
جيتي من النسيان
ومن كل الزمان
اللي مضى.. واللي تغيّر
صوتك يناديني تذكّر
ناديتي .. خانتني السنين
اللي مضت راحت
ناديت .. ما كن السنين
اللي مضت راحت
كنّا افترقنا البارحة
البارحة .. صارت عمر
ليله .. أ بد عيّت تمر
يا جمرة الشوق الخفي
نسيت أ نا وجرحك وفي
يتذكر الحلم الصغير
ظماي انت و من يعشق ظماه غيري؟ و جروحي انت و من يكره دواه غيري .. اسقني لو ما ارتويت و داوني لو ماشكيت , ماهقيت اني اعطش في حياتي غيرك انت و مادريت ان مابه اغلى منك الا انت.. يا ظماي.
بدر بن عبدالمحسنStichwörter: شعر
Seite 1 von 1.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.