نفسى أطير طيارة
وبعد ما اطيرها
أوقعها
أو أصطاد سمكة بسنارة
وارميها بعد ما اطلعها
بجد.. بجد
أنا فى أزمة
أنا حاسس إنى ماليش لازمة
نفسى يكون ليا قضية
الناس والدنيا تصدقها
نفسي اعمل حاجات كتير
ةمابعملش منهم حاجة
نفسي اتكلم كلام كبير
بس مابفهمش انا في حاجة
لا بعرف اوشوش
ولا اهتف
وساعات وانا بتكلم اتفتف
يقولي نقطنا بسكاتك
تكونش فاكر نفسك حاجه
فى حياتى قابلت
كام بنت !
على بابها فكرت اخبط
دا كتير فى الحب اتكعبلت
ولا عمرى عرفت اظبط
انا اخرى اكون
حد جميل
وكمان يتمنولى الخير
بس اللى تاعبنى
ان امى
نفسها تفرح وتزغرد
Stichwörter: حب
انا من جيل لسانه تقيل
نص كلامه محدش فاهمة
جيل التحسين والتعديل
والاتنين صعبيين يتفهموا
انا من جيل الشمعدان
جيل فوازير نيلى وشيرهان
انا واحد من ضمن كتير
احلامهم يا دوب يترسمو
Stichwörter: جيل-الثمانينات
عملوا الجنيه
والنص جنيه
دنانير بتخلني ملخوم
وهموت وانا واعرف ليه
اشمعنى الربع جنيه مخروم
دا سؤال مش تافه على فكرة
انا عايز اوصل منه لفكرة
ان محدش فاهم حاجة
ولا كلامى مش مفهوم
Stichwörter: عملة-مصر-الجنيه
Seite 1 von 1.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.