تذكرة القطر بمبلغ و بقدره
و القطر ماهوش على كيفه.. ولا قطرُه
و إن مات حتى بخـُطره
و إن شالله يخس دراع
لكن مش ممكن حاجة تعطل سفره
مسافر يعنى مسافر
أبنود ضاقت .. وملوش فيها دلوقت
غير تمن القطر .. وتمن القطر ده وقت
Stichwörter: inspirational
مدّ الأمل سِكِّتُه.. وقالِّنا: سيروا
نصيبكو حيصيبكوا تمشوا ولاّ حتطيروا
عيشوا النهارده الزمن.. بكره زمن غيره
آدى أول السكة صوت الضحكة بيلالي
والشمس أمشيلها ألاقيها اللى ما شيالي
ولا حدّ يقدر يعكّر قلبنا الخالي
لكن و مين بكرة يعرف إحنا فين فيها؟
هيه حتدينا والا احنا حندّيها؟
وإيه نصيبنا من الأيام ولياليها؟
غاب الزمن في الزمن.. واحنا بِلا عزوة
ولا نملك إلا نماشي السكة و نسيروا
ويا مصْر وان خيّروني ما اسكن إلاكي
و لاجْل تتبِّسمي.. يا ما بابات باكي
تسقيني كاس المرار.. و برضُه باهواكي
بلدي ومالي إلا انتي ولو ظلمتيني..
مقبولة منِّك جراح قلبي وْدموع عيني
الجرح يشْفى إذا بإيدك لمستيني..
كلّك حلاوَة.. وكلمة «مصر».. أحلاكي!!
أنا باشكر اللى خلق لى الصوت وأوصانى
أقول كلام حُرّ.. مايقبلْش لون تانى
مااسكتش ع الضِّيم واهشّ الغيم بقولة آه
وإن سرقوا صوتي.. بينسوا ياخدوا قولة آه
في الفرْح في الجرح إيه حيلتى إلاّ قولِة آه
أحلى ما في الفرحة بتنسي الكبير سنه ، واحلى ما في الحزن كل الحكمة تيجي منه
عبد الرحمن الأبنوديالقصيدة توصف الدم الذكي
ما تشيلش نقطة
توصف ألام اللي ماتت بنتها قدام عينيها
بس وصف
وصف جيد…….وصف خايب
وصف صادق….وصف كاذب
في النهاية……….كلة وصف
كل شعر الوصف
مايساويش في سوق الحق صرخة
الكلام عن كل دة
شئ من التطاول
إنما…..لازم نحاول
الجهل مريح يا فاطمة
الجهل مريح
عدم العلم مليح
يا أم أولادي يا إنسانة زي الناس
عدم العلم مليح
عدم العلم عيون تنعس في الليل
ضحكة من القلب
من القلب صحيح
عدم المعرفة بيخلي الرجالة عيال
يضحكوا يبكوا
و دايما للدنيا طعم جديد
كان يغني للعيال المقروضين ..
كان يغني للارامل ..
والغلابا ...
والسكارى ..
السكارى اللي يعودوا من جحيم الحر .. في المنجم
السكارى اللي المحاجر حولتهم زيها
أزمة وحجارة ..
Stichwörter: الخواجة-لامبو
كان يغني بأحلي صوت ...
يا قمر .. يا رغيف بعيد ...
النهارده الحد .. عيد ..
الفقير ليه مش سعيد ..
والغناي ليه مبسوطين؟
يا قمر يابو عمر لسه
العباد ع الحانة كابسة..
عاوزه تنسي ..عاوزه تنسي ...
والغناي لو يسكروا
يبقى لجل يفكروا..
يسرقوا م المسروقين ؟؟...
Stichwörter: الخواجة-لامبو
الدنيا عِلم !
والعلم أوحش ما ف راسه ،
إنه ميعرِفش إيه طعم حلاوة الحلم !
.
.
العلم بيحقق الأحلام ،
لأنه مبيحبش يبقى في ف الدنيا حِلم !
Seite 1 von 12.
nächste letzte »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.