صحيت اقلب في الجرايد والمجلات جالي اكتئاب ..
قلت اسمع شوية اغاني لقيتها كلها عن الغدر و الغياب ..
قلت اشغل التليفزيون اشوف فيلم ولا حاجة ..
لقيت في شريط الاخبار ..
سحل المتظاهرين في استمرار ..
وانخفاض مؤشرات البورصة و الاستثمار ..
والاقتصاد المصري في انهيار ..
والريس لسا بيوعد الناس بالاستقرار ..
بس ياريت تتبرعوا وده رقم الحساب ..
قلت لازم اخرج اشم شوية هوا ..
لقيت الناس مطحونة في المواصلات ..
ومفيش جديد لساه نفس العذاب ..
قعدت علي القهوة شربت عناب ..
قلت يمكن يروق دمي شوية ..
ويهون ايامنا الهباب ..
رجعت البيت بطلع المفتاح ..
افتكرت اني نسيته في الشقة ..
ومفيش حل غير اني اكسر الباب ..

Autor: حسن الدهراوي