محتـاجة لحبة تفاريح

يمكن محتاجة لنكشـاية

و افرفرش من غير تصـاريح
...
و اضحك علي شكل البرَّاية !

و اطلع بقي من دور العاقل .. أبو نضارة .. وأبو بوبيون

و اقلب علي عيِّل في حضانة

او يمكن أراجوز مجنون !

نفسي بجد اسيب العقل

و أعيش بالطفل اللي استغرب

من شوفة وشِه فـ مرايـة !

نفسي أجرب

احساس السقعة .. فـ تلجاية!

نفسي كمان لو ينفع يعني .. أفضل ازغزغ قلبي الننه

و يجلجل صوت الضحكــاية !

و انا معييــش غير بس جنيـه

تعرفشي يـا سعادة البيه

التفاريح دلوقتي بكــام !؟

نفسي ولو حتي فـ رشَّـاية !

داليا رشوان

Stichwörter: تفاريح

Weiter zum Zitat

---

Seite 1 von 1.

---

---