سايبة الجراح ليه تهدني ..
إيه فيكي تاني يشدني ..
ده أنا اللي حبي عززك
وإنتي اللي عشقك ذلني ..
لسه يا حلوة بتسألي ..؟!
بتحبني ..
نفسي اشتري
شبرين في حضنك وارتوي ..
فكرك مسافرأغتني ..
خدي اللي حيلتي
الهدمتين والقرشينات ...
بس استري عرض البنات ...
لو حسنا علي دمنا
في قلوبنا مات ...
لو بكرة فات ...
وإحنا بياكلنا السكات ...
كل الأماني الممكنة ...
تبقي يا دوبك
دمعتين ..
فوق صورة باهتة ملونة ..
Stichwörter: ناقص-حتة
ومعرفش ليه تنحت للدنيا كده
فجأة لقيتني مسكون بالملل
لا عندي رغبة ف البكا
ولا في الكلام
ولا عايز أنام
ولاحتى بسأل : إيه ؟ دا ليه ؟
وآخرتها ايه ؟
وإيه العمل ؟
واخاف أقول لأي حد
أحسن يقوم يقلبها جد
حد صاحبي ينزعج
يمد ايده جوا قلبه من باب الكرم
عشان يشاركني الألم
أو يستلفلي م اللئيم حبة أمل
حالة كده
لا معاها ينفع كلمتين ولا غنوتين
ولا لقطة من ألبوم صور
Stichwörter: ناقص-حتة
كان نفسي أقول غنوتي
ناعمة رومانسية
طلع الكلام ناشف
كاشف هموم فيَّا
لا القلب نفس القلب
ولا الحياة هيَّ
Stichwörter: ناقص-حتة
Seite 1 von 1.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.