سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!
Stichwörter: رباعيات
أنا قلبي كان شخشيخة أصبح جَرس
جلجلت به صحيوا الخدم والحرس
أنا المهرج .. قمتو ليه خفتو ليه
لا فْ إيدي سيف ولا تحت مني فرس
عجبي !!
Stichwörter: رباعيات
ريتك معايا تطوفي
وسط البشر والزحام ...
وتشوفي حيرتي وخوفي
عليكي من دي الالآم
منين أجيبك يا سمره
ياللي عيونك دوايا ...
حلمت ياما ببكره
وبكره أصبح مسايا
دي عنيكي شبابيك أغاني
باطل منها وباشوف ...
خلت زماني حصاني
خلتني ع السر ألوف
سنوات وفايته عليّا فوج بعد فوج
واحدة خَدِتني إبن والتانية زوج
والتالتة أَب خدتني والرابعة إيه
إيه يعمل إللي بيحْدفُه موج لموج ؟
عجبي !!
Stichwörter: رباعيات
ورا كل شبّاك ألف عين مفتوحين
وانا وانتي ماشيين يا غرامي الحزين
لو التصقنا نموت بضربة حجر
ولو افترقنا نموت متحسرين
عجبي!!
Stichwörter: رباعيات-جاهين جاهين رباعيات صلاح-جاهين رباعيات-صلاح-جاهين
Seite 1 von 1.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.