يا وابور قول لي رايح على فين
يا وابور قول لي وسافرت منين
يا وابور قول لي

عمال تجري قبلي وبحري
تنزل وادي تطلع كوبري
حوِد مره وبعدين دُغري
ما تقول يا وابور رايح على فين
صوتك يدوي وانت بتهوي
والبعد أليم ناره تكوي
والارض بساط وانت بتطوي
ما تقول يا وابور رايح على فين

يا وابور قول لي رايح على فين
يا وابور قول لي وسافرت منين
يا وابور قول لي

قربت غريب وبعدت قريب
وجمعت حبيب على شمل حبيب
والقرب نصيب والبعد نصيب
ما تقول يا وابور رايح علي فين
إن طال الوقت على الركاب
يجري كلامهم في سؤال وجواب
بعد شوية يبقوا احباب
وده يعرف ده رايح على فين

أنا رحت معاك ورجعت معاك
وأنا إيه كان مقسوم لي وياك
دي كانت نظره من هنا لهناك
العين عرفت رايحين علي فين
يا وابور

أحمد رامي

Tags: شعر-غنائي

Go to quote

---

سهران لوحدي أناجي طيفك الساري

سابح في وجدي ودمعي ع الخدود جاري

نام الوجود من حواليا وأنا سهرت في دنيايا

أشوف خيالك في عنيا واسمع كلامك ويايا

اتصور حالي أيام و ليالي مرت على بالي

ما بين نعيمي واس الروح ساعة رضاك....

وبين عدابي و طول النوح أيام جفاك

كل اللي شفته خطر على البال وعشت فيه هايم ولهان

ولما بعدك عني طال حنيت لأيام الهجران

سهرت وحدي والفكر شريد

أتصور حالي ... أيام وليالي مرت على بالي

يا اللي رضاك أوهام والسهد فيك أحلام

حتي الجفا محروم منه وياريتها ياريتها دامت ايام

كان عهد جميل حاسد وعزول

والبال مشغول

راحت عوازلي و حسادي وطفيت النار ...

يااللي صبرت على بعادي وأنا قلبي احتار ...

لا يوم وصالك ... هناني

ولا هجر منك ... بكاني

يا طول عذابي وحرماني

سهران لوحدي أناجي طيفك الساري

سابح في وجدي ودمعي ع الخدود جاري

أحمد رامي

Tags: شعر-غنائي

Go to quote

---

Page 1 of 1.

---

---