أبو العُريف
يجيب الشاردة والتايهة
ما يعرفش يقول معرفش
واّه يا لطيف
لو استلمك بقى وحبك
ما بيمللش ومابيزهقش
اياك تقول إنه بيفتى
دى إضافة بسيطة مش أكتر
كلامه يجيب صداع نصفى
ويمكن ضغط أو سكر
أبو العُريف
عايز أنسى حاجات كتير
بس إزاى أقدر أمسحها ؟
تعبت بجد من التفكير
حاولت كتير إنى أصلحها
أصلح حاجه وبكسر غيرها
وأفكر أكتر وقلبى يعانى
وأفكر إنى هموت فى اّخرها
ألاقى نفسى بفكر تانى !!!
ساعات بحس إني بقلبين
ساعات أحبك وساعات لأ
ساعات أنساكي ف غمضة عين
وساعات أحس إني مليش حق
Tags: أحبك حق-قلب-أنساك-عين
كتير بنندم ع اللى كان
وبنرجع ونقول قدرنا
كان بإيدينا الحل زمان
وقدرنا اخترناه واختارنا
الخوف من الخوف يخوف الخواف
وإن كنت راجل أوعى م الدنيا تخاف
عقلك أقوى كتييير من خوفك
وشجاعتك .. الخوف منها يخف !
!بقول يارب وهقول يا مين تانى
كلمه واحده وبتنسينى أحزانى
لو ضاقت بيك ف يوم قول يارب
ولو فرحت .. قول يارب من تانى
أحلى ما فينا قلوب
وحب مش محسوب
لكل خلق الله
أحلى ما فينا احساس
وطيبة أجدع ناس
أحلى ما فينا حياة
ف حياتنا مشاهد متعاده
بنشوفها تفكرنا بحاجه
منا اللى بيتعلم منها
وأغلبنا بيغلط كالعاده
البنت حلوه .. بس القمر أحلى
والغنوه حلوه ,, وصوت الأدان أحلى
وأحلى ما ف الدنيا قلب نضيف
وخالق الكون أحلى وأحلى وأحلى
املى قلبك بحب ربك
تلقى كل الدنيا ملكك
تلقى أحلى ما فيها عندك
تلقى ناس وقلوب تحبك
Page 1 of 5.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.