وتقولك ايه بقي ( 7 )...
- وكمان بتقولي مساء الخير !!
قالتها بغضب صافقة باب البلكونة بغضب
-طرااخ ، يعنى انا افضل مستنية في الصقيع ده لحد جنابك ماتشرف و داخل البيت الساعة حداشر باليل!
... هو بابتسامة بلهاء
- حبيبي انتى قلقتى على :D
هي صافقة باب التلاجة هذه المرة
- طرااخ ماتحورش على وقولى كنت فين
هو مجاهدا للحفاظ على ابتسامته فوق شفتيه
- مافيش والله بعد الشغل ماما رنت على و
هي مقاطعة : اااه ماما ، يعنى انت عند ماما وسايبنى هنا
هو بتعب : على فكرة انا تعبان والله وكمان مرضيتش أتغدى هناك
- وهو كمان كان في عزومة هناك ؟ وانا اخر من يعلم ؟ ليه إن شاء الله هى امك بتكرهنى ليه كده !
هو بتأفف : ياحبيبتى اسمعيني بس هي
- بلا حبيبتي بلا زفت ، متجهة نحو الشباك لتصفق بابه
هو بغضب : والله مانتى عاملة حاجة ثوانى كده
لما نشوف اخرة الابواب الي بتترزع دى
اتجه هو ناحية باب الشقة ضاغطا أزرار الموبايل : ايوة يا ماما انا غيرت رأيي و جاى اكل
- طرااااخ
Author: Azza Bondok
