فاكر !
(مشاهد غير مهمة فى حياتنا ولكنها ثابتة)
(1 ): أهلاً .
( 2 ): ( يأخذه بالحضن وبشدة ) .
( 1 ) : إزيك؟
( 2 ) : الحمدلله .
( 1 ) : عامل ايه ؟
( 2 ) : كويس .
( 1 ) : ايه الأخبار؟
( 2 ) : أهى ماشية .
( 1 ) : طب عايز حاجة ؟
( 2 ) : لاء شكراً .
( 1 ) : ابقى سمعنا صوتك ؟
( 2 ) : إن شاء الله .
( 1 ) : ألاقوللى , معلهش , فكرنى باسمك .
إظلام
في الكالوس
ممثل 1: أنا خايف .
ممثل 2: ليه؟
ممثل 1: مش عارف.
ممثل 2: أنا خايف.
ممثل1 : ليه ؟
ممثل2 : مش عارف.
ممثل1 : كل ما أكون مقبل علي حاجة مهمة أحس بإني عايز أروح .
ممثل2 : دا اسمه خوف .
ممثل1 : مش عارف .
ممثل2 : كل ما أكون مقبل علي حاجة مهمة أحس بإني عايز أروح .
ممثل2 : دا اسمه خوف .
ممثل1 : مش عارف .
ممثل2 : تفتكر هاتشوفني .
ممثل2 : مين ؟
ممثل1 : البنت اللي قاعده وباصة علي الخشبة من ساعة ما ابتدا العرض، وبالذات علي الكرسي الموجود علي شمال المسرح وعليه بؤرة إضاءة خافتة جدا.
ممثل2 : وايه أهمية الكرسي ده ؟
ممثل1 : مش عارف رغم إني باقعد عليه في آخر دقيقة في العرض ودا هو دوري.
ممثل2 : المخرج هو اللي عمله بالشكل ده عشان حاجة في دماغه هو .
ممثل1 : بس اسكت عشان الكيو قرب .
ممثل2 : تفتكر البنت هاتبصلي ؟
ممثل1 : أي بنت ؟
ممثل2 : اللي عينيها قاعدة علي الكرسي من ساعة ما ابتدا العرض -----
( نسمع تصفيقا حارا وموسيقي التحية ) .
Author: باسم شرف
