تنذكر ما تنعاد ونشوفك بالأعياد
تعمَر وتجيب ولاد...بس انساني
تنذكر ما تنعاد ويصيروا الإشيا بعاد
في غيرك ناس جداد...في شي تاني
شوهاالحب اللي طالعلي فيه
شو ها القلب اللي بس بسمع فيه
بتبلش حب وما بتكفيه
تنذكر ما تنعاد ...تترك أرض الاجداد
وتجرب غير بلاد...تاتنساني
شو ها العمر الي مش باقي شي
لولا الوقت لولى خلّى شي
خلالي طريقي ورح امشيه
كان عندي عيد ميلاد ذاكر وقتو بالكاد
واحرد متل الولاد...شي تنساني
حتى عيدي بَكرَه فكّر فيه
ولون الشمع اللي لازم اطفيه
بتمنى تنسى حبي وتعفيه
تنذكر ماتنعاد كل فرحه وبعدا حداد
عم يبرم العداد...كل شي فاني
وانت طالب امجاد لو تحكى السندباد
تلفو كل شي في بلاد...عالنسوانِ
وين العرس اللي واعدني فيه
وين البيت وعلّيه ما فيه
بتصادف ضايع مابتلفيه
تنذكر ما تنعاد ونشوفك بالاعياد
تعمر وتجيب ولاد بس انساني
تنذكر ما تنعاد ويصيروا الاشيا بعاد
في غيرك ناس جداد في شي تاني
Author: زياد الرحباني
