الأمن ، هرب وانسحب
وجيشي ، للبوابات فتح !
قولي لينا مين ؟
ومين يمنع دماغي تتفتح !

قال إيه شعب مؤيد ، ده فيه سلاح وخيول !
فهمني ، وعيني ، ما أنا برضه مش مسطول
طب فين بس الأمن يا سيادة المسئول
تعالى بره القصر وقولي يا معزول
حاطط في ودنك قطن ولا الدي جي معمول؟
عايز هموم شعبك ، صفحة ومش تطول
قال ده مدير مكتبك ، ما تقوله : "مش معقول"
اطلع فـ يوم كدبه ، ما الكدب بقي ببلاش
ما هو مش عشان كرسي ، بقيت علينا ملك
ما الملك مش أبدي ، إلا لرب العرش
وقبل ما تفتي ، انت ملك علي مين؟
ولا بلاش قولي ، وديت فلوسنا فين ؟
فاكرين تصدير الغاز ولا بقيتوا ناسيين؟
لما باعوه لعدو واحنا له عايزين
الشعب هو الملك مهما صبرنا سنين
وجاي في آخر يوم بعد سنين تلاتين
بتقولي هحاورلك كل المعارضين ؟
بس ليه يقبلوا وشبابنا مش راضيين ؟
وحتي لو قبلوا أنا عندي بس سؤال
مين قوم المظاهرة ومين عملكوا رجال؟
ولو انتوا قادتنا ، احنا عملناكم
وزي ما جينا ، حيينا ، ورفعناكم
سهل أوي ، نخلي الأرض تعلاكم

ده شعبي سف التراب والذل مع سيادتك
وبرضه وقف صابر ، راضي بإرادتك
معلش دي أزمة ، فبرقابينا ضفرك ؟!
غليت رغيف العيش ، فقالوا مسموح لك
قلت أنا همشي ، عندي وجع جبار
أصل من رغيف العيش ، مشلتش المسمار
ولا خدت بالي من كل عقب سجار

ولا بلاش منه ! خليني أقولك :
- مش لاقي أتجوز ، شقة يا ريس
- خدها المستثمرين !
- طب والشعب يتكيس ؟
رفعت المرتبات ، بس دي ملاليم
واللي كان بجنيه ، فجأة بقي بعشرين
قلنا يلا وماله ، تسلم يا نور العين
بس لا مؤاخذة ، كان عندي بس سؤال
هي دي علاوة ؟ ولا ده استهبال ؟!
قالوا لي : اخـــرس ، سيرة الرئيس تتصان
فرجعت من تاني ، شفت العذاب ألوان
ودورت علي أحمد احكيله إيه بيوجع
متعود أشكيله أصله واد مجدع
كان سأل ظابط كان راجل أجدع
قولي يا باشا : مين لينا بيسمع ؟
ليه النظام أطرش ، لا بيجدي ولا ينفع ؟
ولما وصلت البيت ، رحت سألت عليه
ردوا عليا وقالوا : والله مش موجود !
- طب خرج من امتي ؟
- والله مش معدود !
- سألت طب مع مين؟
- قالوا لي مع محمود !!!
محمود ده كان أستاذ بس لبس أزرق*
واسأل عليه زهير لما قال زحمة
ودندنله حلمي قصيدة في مسلسل
وعرفت أصل الحكاية لما قال أزرق
يلا عشان نخلص ، وبرضه مش هخرس
بذمتك بسألك : يا أيها النظام؟
مش كفاية يعني ولا مش حرام ؟
شعب انضرب ، واتحرم ، واتهان !
ويبقي ظالم ! بالذمة ده اسمه كلام ؟
كفاية عليك يا ريس الانتحارين
اللي قصاد الوزارة ماتوا والعين
ومظاهراتنا اللي ملتلك الميادين
فاسمعني بيني وبينك ، وبعيد عن السامعين
ولا اعتبرها فضفضة بين اتنين رايحين
ولا اعتبرني مجرد واحد بس ليك بنصح
لا عدت هطول عليك ، ولا فيهم همدح
وأنا مش بكره مصر ، لأحسن تقول بفضح !
ده أنا ابن مصر ، ولسمها بنضح
أنا بس بترجاااااك ، سبنا .... نفرح

Author: عمر حسني جبريل

الأمن ، هرب وانسحب<br />وجيشي ، للبوابات فتح !<br />قولي لينا مين ؟<br />ومين يمنع دماغي تتفتح !<br /><br />قال إيه شعب مؤيد ، ده فيه سلاح وخيول !<br />فهمني ، وعيني ، ما أنا برضه مش مسطول <br />طب فين بس الأمن يا سيادة المسئول<br />تعالى بره القصر وقولي يا معزول<br />حاطط في ودنك قطن ولا الدي جي معمول؟<br />عايز هموم شعبك ، صفحة ومش تطول<br />قال ده مدير مكتبك ، ما تقوله : "مش معقول"<br />اطلع فـ يوم كدبه ، ما الكدب بقي ببلاش<br />ما هو مش عشان كرسي ، بقيت علينا ملك<br />ما الملك مش أبدي ، إلا لرب العرش<br />وقبل ما تفتي ، انت ملك علي مين؟<br />ولا بلاش قولي ، وديت فلوسنا فين ؟<br />فاكرين تصدير الغاز ولا بقيتوا ناسيين؟<br />لما باعوه لعدو واحنا له عايزين<br />الشعب هو الملك مهما صبرنا سنين<br />وجاي في آخر يوم بعد سنين تلاتين<br />بتقولي هحاورلك كل المعارضين ؟<br />بس ليه يقبلوا وشبابنا مش راضيين ؟<br />وحتي لو قبلوا أنا عندي بس سؤال<br />مين قوم المظاهرة ومين عملكوا رجال؟<br />ولو انتوا قادتنا ، احنا عملناكم<br />وزي ما جينا ، حيينا ، ورفعناكم<br />سهل أوي ، نخلي الأرض تعلاكم<br /><br />ده شعبي سف التراب والذل مع سيادتك<br />وبرضه وقف صابر ، راضي بإرادتك<br />معلش دي أزمة ، فبرقابينا ضفرك ؟!<br />غليت رغيف العيش ، فقالوا مسموح لك<br />قلت أنا همشي ، عندي وجع جبار<br />أصل من رغيف العيش ، مشلتش المسمار<br />ولا خدت بالي من كل عقب سجار<br /><br />ولا بلاش منه ! خليني أقولك :<br />- مش لاقي أتجوز ، شقة يا ريس<br />- خدها المستثمرين !<br />- طب والشعب يتكيس ؟<br />رفعت المرتبات ، بس دي ملاليم<br />واللي كان بجنيه ، فجأة بقي بعشرين<br />قلنا يلا وماله ، تسلم يا نور العين<br />بس لا مؤاخذة ، كان عندي بس سؤال<br />هي دي علاوة ؟ ولا ده استهبال ؟!<br />قالوا لي : اخـــرس ، سيرة الرئيس تتصان<br />فرجعت من تاني ، شفت العذاب ألوان<br />ودورت علي أحمد احكيله إيه بيوجع<br />متعود أشكيله أصله واد مجدع<br />كان سأل ظابط كان راجل أجدع<br />قولي يا باشا : مين لينا بيسمع ؟<br />ليه النظام أطرش ، لا بيجدي ولا ينفع ؟<br />ولما وصلت البيت ، رحت سألت عليه<br />ردوا عليا وقالوا : والله مش موجود !<br />- طب خرج من امتي ؟<br />- والله مش معدود !<br />- سألت طب مع مين؟<br />- قالوا لي مع محمود !!!<br />محمود ده كان أستاذ بس لبس أزرق*<br />واسأل عليه زهير لما قال زحمة<br />ودندنله حلمي قصيدة في مسلسل<br />وعرفت أصل الحكاية لما قال أزرق<br />يلا عشان نخلص ، وبرضه مش هخرس<br />بذمتك بسألك : يا أيها النظام؟<br />مش كفاية يعني ولا مش حرام ؟<br />شعب انضرب ، واتحرم ، واتهان !<br />ويبقي ظالم ! بالذمة ده اسمه كلام ؟<br />كفاية عليك يا ريس الانتحارين<br />اللي قصاد الوزارة ماتوا والعين<br />ومظاهراتنا اللي ملتلك الميادين<br />فاسمعني بيني وبينك ، وبعيد عن السامعين<br />ولا اعتبرها فضفضة بين اتنين رايحين<br />ولا اعتبرني مجرد واحد بس ليك بنصح<br />لا عدت هطول عليك ، ولا فيهم همدح<br />وأنا مش بكره مصر ، لأحسن تقول بفضح !<br />ده أنا ابن مصر ، ولسمها بنضح<br />أنا بس بترجاااااك ، سبنا .... نفرح - عمر حسني جبريل



©gutesprueche.com

Data privacy

Imprint
Contact
Wir benutzen Cookies

Diese Website verwendet Cookies, um Ihnen die bestmögliche Funktionalität bieten zu können.

OK Ich lehne Cookies ab