بلياتشو للهاتك غير البراءة ما عنده
واقف ضد الحق يتمادي ويعانده
ترزي للقوانين وهو ده بنده
الخصم نفسه حكم وضعف المشتكي وحده
عمره ما لنفسه يدين ويقول كلام ضده
حاميها حراميها فاكر مفيش قده
ده سفاح قديم ما بيبقي علي عهده
عمر الحق في يوم ما هيعجبه رده
وحقيقي يبقي حمار مين يرتضي بحده
شيطانه له تلميذ وبظلمنا وعده
غدار وديب محتال والغدر يوم سعده
وبالتالي يبقي خروف مين ينتظر وده
عايز الشاب فينا يبقي كما جده
ويمشي جنب الحيط وإيده علي خده
ويرضي بالهامش بس ده بعده
Author: عمر حسني جبريل
