عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق

!!!عجبي

صلاح جاهين

Tags: رباعيات-جاهين

Go to quote

---

فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد
عجبي!!!

صلاح جاهين

Tags: رباعيات-جاهين

Go to quote

---

لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره

عجبي!

صلاح جاهين

Tags: رباعيات-جاهين

Go to quote

---

الدنيا آوده كبيرة للإنتظار
فيها ابن آدم زيه زي الحمار
الهم واحد . . والملل مشترك
ومفيش حمار بيحاول الإنتحار

صلاح جاهين

Tags: رباعيات-جاهين جاهين

Go to quote

---

ورا كل شبّاك ألف عين مفتوحين
وانا وانتي ماشيين يا غرامي الحزين
لو التصقنا نموت بضربة حجر
ولو افترقنا نموت متحسرين
عجبي!!

صلاح جاهين

Tags: رباعيات-جاهين جاهين رباعيات صلاح-جاهين رباعيات-صلاح-جاهين

Go to quote

---

Page 1 of 1.

---

---