ف قلوب كدهون اول ما تيجى ع بالك تحس بالونس
ايمان عبد الناصرعارف احساس
اما يبقى اتنين جواك مختلفين
واحد منهم موجوع اوى و بيئن و التانى منفض له و مكبر منه
واحد نفسه يشكى و يفضفض و التانى و لا هو هنا
ينده عليه و يصرخ انت اللى ليا طيب اشكى لمين
و التانى عامل ودن من طين و ودن من عجين
و كل ما الاول يصرخ و يعلى فى صوته
كل ما التانى يرمى نفسه وسط دوشة اعلى عشان يقدر يكمل
بيسد ودانه و يخبى وشه عنه
مش عشان كارهه لا
بس هو خلاص اتهد مش لاقى اجوبة لاسئلة الاول اللى مبتخلصش
تعب من الطبطبة و المدادية مش على الاول و بس و على خلق كلهم
عايز يقوى نفسه عشان يعرف تانى يقويه
و انت واقف حيران صعبان عليك حال الاتنين
اللى عامل نفسه عايش و رامى روحه وسط الدنيا عشان يقوى
و اللى بيئن و صوته مش عارف يوصله لمين
بس انت عارف ان التانى ادها و هيرجع من تانى
ياخد بايد الاول يقويه يمسحله دمعته يرجعه يضحك من قلبه تانى
ف ناس كدا
اما بتزعل مش بتدور ع اللى يسالها مالك فيكى ايه
و يلح ف سؤاله عشان يعرف ف ايه
و ان متكلمتش يسيبها و يمشى و لا يسال فيها :(
لا
بتدور ع اللى اول ما يعرف ان ف حاجة مضيقاها بيرخم و يتكلم ف اى حاجة و خلاص اى حاجة غير ان يسال مالها
كل همه بيبقى انه يطلعها م اللى هيا فيه
كل همه بيبقى انها تضحك و خلاص :)
الناس دى بتدور ع اللى ينسيها مش اللى يفكرها بايه منكد عليها
و كل ما كان بعيد و صعب
كل ما كانت فرحة لقاه احلى
:)
ما تزعلش منى اما اخاف يوم و اقلق
اصلى قلبى قبلك ع الفرح مش متعود
و تتعب م الدنيا و م الناس
و تدور ع الونس جواك
تلقى الوحدة سابت الدنيا
ملقتلهاش غير ف روحك عش
و قلبك زى سما الشتا
همومه زى غيومه
مخبية دفا الشمس
و مع كترة سكانه متكتك بردان
مليان اشتياق لقلب لسه مجاش
و حنين لطبطبة كفه عليه
تتعب م قلبك و تتوجع
ما تلقى غير انك ترجع
ترمى روحك وسط الناس
تفرح مع اللى فرحان قلبه
و تداوى ف المجروح جرحه
و تقول لروحك و تقوله
طبطب ع كتفك و قول لنفسك معلش...
و طالما ان طبطبة الايد واحدة
و ان الكلام شبه بعض
و لانى اصلا عارفة ... دا ان مكنتش
حافظة كل الكلام صم
ان بكرة اكيد احلى
و الدنيا مش بتقف على حد
و انها مهما ضاقت
بكرة الفرج جاى ...
يعنى بقول طالما انه مفيش تجديد
و طبطبة ايدى هتكون احن اكيد
و كل الكلام بيتعاد و يتزاد
فمن فضلكوا سيبونى
اكتئب لوحدى على انفراد
Page 1 de 1.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.