حاجات كتير
فى حياتى اللى فاتت
راحت
بس لسه
عندى امل فيها
عشان كده
الزرعه الميته
فى بلكونتى
مع انها خلاص
ماتت
يوماتى باسقيها ...
للأسف
مشكلتك مالهاش حل
جنونك عاقل جداً
بس عقل العاقلين
من حواليك
مختل..
الصبح في نص الكوكب.. ليل في النص التاني.. الأرض عندها شيزوفرينيا.. محتاجة دكتور نفساني
خالد كسابوفقًا لما تنص عليه قوانين حياتي المهرجلة
بأطلع من مشكلة أخش في مشكلة
وحاجات كتير في دماغي متكومّة ومتأجلة
وتفاصيل بالعبيط،
كل ما بأفهمها أكتر.. بتزيد البرجلة!
في لعبة الحياة
لما حاجة تزعلك
أرجوك..
ماتكتئبش
هي اللعبة كده ..
مافيهاش حلول وسط
ياتتلعب
ياماتتلعبش..
قد إيه البني ادم منا
كائن مسكين
في عز ما هو مش طايق روحه
ولا مستحمل نفسه
مطلوب منه يستحمل التانيين
الصبر مفتاح الفرج
ماشي
اوكيه
الصبر بقى مفتاحه ايه؟
Mots clés فلسفة
الواحد محتاج ايه بالظبط
عشان يكون علي طول مبسوط ؟
سؤال طول ماانت
مش عارف اجابته
عايش
ولوعرفت
تموت
عيل صغير
لابس مريلة
زرايرها من ورا
شعره متسرح علي جنب
ولسه عنده قلب
ومشكلة حياته
مش عارف يحفظ جدل الضرب
مش فاكر بعد كده
كل اللي حصل
حصل ازاي
او امتي بالظبط
كل اللي فاكره
اني يادوبك
رمشت بعيني
فجأة
بقيت دلوقت
انا حر
فردت جسمي
ع السرير
واتمطعت
وسرحت
وفكرت
بعدين احترت
لمااكتشفت
اني فعلا
حر
Page 1 de 4.
suivant dernier » ;
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.