انا الدمعة اللي تتمني في لحظة تموت
وتخرج من عيون قاسية
فليه تسألني عن الأيام
برغم مرورها بالعافية ؟!
ولو راح تنسي مرة انا مين
انا خيبة امل ماشية
Mots clés شعر
أجمل حاجة عرفتها منكم
ان العملة الرايجة خداع
مين اشتري ماعادتش بتفرق
ولا عاد يفرق مين باع
والمانيكان جوا الفاترينة
ماعادش بيعرض إلا ضياع
الأسود بجميع درجاته
سلم بطلع فيه للقاع
Mots clés شعر
حاجة غريبة
صوت دقات بندول الساعة ف قلب وداني
قنابل حرب
يبدو جيوش الزمن الصعب
محاصرة البار
حسيت رعب
مش حرص علي الدنيا الفانية
لا والنعمة
بس حأموت وانا شايل ذنب !
Mots clés شعر
فان شفتي عين الشمس بتعاني الرمد
ولا الشريط الأسود في برواز البلد
ولا الطيور مش قادرة تصدح بالنشيد
ولسانها بالخضة اتعقد
والكون بدا لك شيخ عنيد
زهد السنين
في خشوع سجد
ساعتها بس اتاكدي
من انه مات أطيب ولد
Mots clés شعر
علموا قلبي يخاف من الدنيا
غلفت الأيام بسكوت
خفت دموعي تخوني وتنزل
ع الأسفلت وتعمل صوت
خفت اتعري وتضيع مني
خفت يحسوا بروحي بتطلع
يغدروا بيا ويلغوا الموت !
Mots clés شعر
وبعتي بالغرور عطفي
وفجأة خرجتي من صفي
ومين ممكن يشيل همك ولايملش ؟
سوي كتفي
ماتحكي اتكلمي وقولي
أنا في حبك لقيت حتفي
أقولك والدموع سابقة
أقولك من مزيد أسفي
وربي ما حد قواكي بجد
حقيقي غير ضعفي
Mots clés شعر
كسرت سكوت
ساعة الوداع
بتقوله خايفة هناك
تموت
مسكينة مش
فاهمة انها
كات واقفة بتودع
تابوت !
Mots clés شعر
أنا الراوي لكلام منظوم
مهوش من محض إبداعي
كلام أملاه عليا زمان
عظيم الحيلة في خداعي
بيجبرني في سواد الليل
أقوم
أكتب
كلام بشعر مالوش داعي
Mots clés شعر
انجاز تاريخي رضاكي عني
أشعر معاه شرعيتي
تاجي المرصع بالياقوت
السود عيونك دولتي
مستسلمة الدنيا لإرادتي
الكون بحاله في قبضتي
Mots clés شعر
Page 1 de 1.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.