لا تسلم نفسك لحلم يشابه الحقيقة، بل عش داخل الحقيقة التي تشابه الحلم
عبد الحميد عبد اللطيفدايما بيبقي في يوم وانت صغير وانت لسه صفحة بيضاء ملوثكش الناس باللي عملوه في الدنيا، وانت لسه شايف الأمل وجواك الحب بتشوف جزء من مستقبلك في ناس بتصدق وناس بتخاف، وناس مبتعرفش إن اللي أنت شفته ده فعلا وبكل جماله وروعته ممكن يكون فعلا مستقبلك.. بس باتخاذك انت القرار بكده.. عشان أي قرار من قراراتك وتصرف من تصرفاتك النهارده هي اللي بتعمل بكرة وتحقق حلمك.. انت شفت الحلم بس انت اللي بتختار تحققه ولا لأ.. بس انت كنت شايف حلمك وحاطط إيدك علي عينك، كنت بتوصل لنقطة معينة.. نقطة أنت حلمت توصلها عشان تعديها لكن أول ما بتوصلها بتخاف تعدي بتلاقي نفسك بتلف وترجع تاني من الأول، عشان تحاول توصلها مع إنك كنت هناك.. من الخوف كنت بتمسك حاجتك اللي بتحبها تقتلها بإيديك بعد كده تندم عليها وتتألم.. كنت بتعمل الحاجات اللي انت مش عايز تعملها وعارف إنك مش عايز تعملها.. وعارف إنك تقدر متعملهاش.. لكنك كنت بتعملها.. كأنك بتكره نفسك أو بتكره تشوف نفسك نجحت أو حققت حاجة يبقي بأي منطق ده.. يخليك ليك الحق تندم عليها
عبد الحميد عبد اللطيفطول ما انت مش جاهز تموت
عمرك ما هتحس إنك عايش
طول ما بتحرق ايامك
وتقول بكرة
وبكرة يفوت
وبعده يفوت
هل يا تري ؟
تري
وتعرف إن بكرة مش بييجي
وإن يمكن لما ييجي تموت ؟
قولي واحكي كل حاجة بالتفاصيل
زودي ف الكلام اوعاه يقل
وحشاني سبيني اشوفك
بالتفصيل الممل
مينفعش تتعب دلوقتي
ولا تنفخ ولا تتغاظ
او حتي لحظة تمل
إيه يعني مش كله تمام
السكة لسه طويلة
واللي باظ باظ
والحلم محدوف قدام
مفيهاش بقي علي مهل
طول عمري بشوف
عفاريت ف الضلمة وخوف
لحد ما لقيت الكبريت
وفهمت إن ف الضلمة محدش بيشوف
لكن تخيل نفسك عارياً بالقطب الشمالي، تموت من البرد ومن ثم وجدت بركة من المياه الساخنة، وبعدما نزلت بها وعرفت كيف هو الشعور بالدفء وتعودت عليه.. اختفت البركة.. ولتعوت أنت إلي الحال السابق.. لكن الألم مضاعف كما هو الآن.. لقد اختفت توا البركة الساخنة، وكان فقط الجليد بكل جانب.. الجليد الذي لم أتوقع أن يكون أبرد مما كان عليه
عبد الحميد عبد اللطيفالفكرة متكعبلة ف دماغك
الفكرة بتكعبلك
وتَحاول ترجع للصراط المستقيم
الفكرة بَتتوهَك
جايبالك أرق
وعايزة تَغيرك
الفكرة لازم تُحطالها لجام
بدل ما تدمرك
لزمتها إيه العيون
لو السواد سايد
لزمتها إيه الحروف
لو الكلام مجنون
يارب لوحدك اللي عارف
نورلي عشان أشوف
أنا عايز أطير طيارتي
لحد ما يخلص بكر الخيط
أنا عايز أبدل بعجلتي
وأهرب بيها بعيد عن البيت
أنا عايز أرجع قلبي سليم
والدنيا متسواش ولا مليم
أنا عايز أوقف ساعتي
وأغير ألوان الحيط
Page 1 de 4.
suivant dernier » ;
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.