الشرقاوي: طيب و قضيتي أنا فضل الشرقاوي.
رحمي: و دي فيها إيه كمان قاتل و معترف و متلبس .. قتل مع صبق الإصرار و الترصد .. عايز تاخد إيه .. جايزة نوبل ؟
الشرقاوي : أيوة لكن قتلت مين ؟
رحمي : ميشيل مارديكيان صاحب شونة التسليف .. الراجل اللي سلفك .
الشرقاوي : بالربا الفاحش .
رحمي : مفيش إثبات ..
الشرقاوي: واخد أرضي ..
رحمي : لسداد الدين المذكور أعلاه .
الشرقاوي : و قتل أولادي السبعة .
رحمي : بإيه؟ بالتنمويم المغناطيسي ؟
كورس : بالجوع .. بالجوع يا بيه يا متعلم !
رحمي : دة سلاح غير وارد في المادة ٢٣٤ عقوبات .
الشرقاوي: دة سلاح بيقتل مجتمعات بحلها يا حضرة القاضي العظيم ..
رحمي : و أنا عايز وقائع .. حيثيات شهود .. اعترافات .. أحراز .. مش كلمة ..عايمة .. زي الجوع .
الشرقاوي : الشهود كانوا قدامك .. في كل مكان .. في الحواري و الغيطان عيونهم بتقولك كل حاجة .

Auteur: مصطفى محمود