سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!
Mots clés رباعيات
أنا قلبي كان شخشيخة أصبح جَرس
جلجلت به صحيوا الخدم والحرس
أنا المهرج .. قمتو ليه خفتو ليه
لا فْ إيدي سيف ولا تحت مني فرس
عجبي !!
Mots clés رباعيات
ريتك معايا تطوفي
وسط البشر والزحام ...
وتشوفي حيرتي وخوفي
عليكي من دي الالآم
منين أجيبك يا سمره
ياللي عيونك دوايا ...
حلمت ياما ببكره
وبكره أصبح مسايا
دي عنيكي شبابيك أغاني
باطل منها وباشوف ...
خلت زماني حصاني
خلتني ع السر ألوف
سنوات وفايته عليّا فوج بعد فوج
واحدة خَدِتني إبن والتانية زوج
والتالتة أَب خدتني والرابعة إيه
إيه يعمل إللي بيحْدفُه موج لموج ؟
عجبي !!
Mots clés رباعيات
ورا كل شبّاك ألف عين مفتوحين
وانا وانتي ماشيين يا غرامي الحزين
لو التصقنا نموت بضربة حجر
ولو افترقنا نموت متحسرين
عجبي!!
Mots clés رباعيات-جاهين جاهين رباعيات صلاح-جاهين رباعيات-صلاح-جاهين
Page 1 de 1.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.