بيقُولوا الأيام بتعدّى
اصبر بس وكلها كام يوم
والدنيا هتتحول وَردى
وأنا حاسس انى هموت م البُعد
الأيام عندى أنا بتهدّى
وكأنها بتعاند فيا
زى المِتفَصّلة على أدّى
مش عارف ازاى هستنّى
فى حد بيقدر يستحمل
يتأخر لحظة على الجنة !! :(
حَالة ضبَابيّة
والنَفس مُش هِيَّ
لا اقدر أقول مِرتاح
ولا التعب غِيّة
ِفى حاجات مابتبانش
مع انها واضحة
وحاجات كتير تستُر
وأصلها فَاضْحَة
واللى تاعِبنى بجد
ِ إنى مابَحلَمش
وان يوم فاجِئنى الحِلم
أحلامى مَنسيّة
َّوالدنيا مش هِي
طب ليه؟
!!ِماتفهمش
حاجات كتير تظهر
وزيها تختفى
ياما سنين بتمر
وشموع كتير تنطفِى
وان كنت بتفكر
إنّك ف يُوم تِسأل
عَلشان عايز تِفهم
خُدها نَصِيحَة وخَلاص
أوقات علشان تِعيش
ِ لازم ماتسألش
اسمعها منى ورزقى
على اللى خَلَق الخَلق
القَلب لو مِرتاح
الكُون دا كله بَرَاح
والدُنيا مِ الأفرَاح
مايكفِيهاش منك
ولا ألف غِنيَّة
ولو حبسته بـ سُور
لو حتى كان فـ قُصور
ّوحَجَبت عَنُه الضَى
وكتبتله نِهايته
..مبروك
كدا قتَلتُه
ويوم ما تِحتاجله
!! ّمِستنّى يرجع حَى
دا لو قتيل ممكن
تِدفَعلُهم دِيّة
شُوف انت بَقى قلبَك
!!يلزَملُه كام دِيّة
16/7/2012
أنا بفرح أوى لما بَشوفَك
وبموت ف دَلالك وكُسوفَك
بستنّى الكلمة اللى تقولها
والنَظرة بيخطفنى جَمالها
ومابتساعنيش دُنيا بحالها
:) لما عنيّا بتلمح طِيفَك
5/8/2012
حلم جميل
كتير بسرح ف حلم جميل
ياخدنى الليل
وراه الليل
وأنا بحلم بهيصة وضىّ
بفرحة كبيرة مالهاش زىّ
وناس فرحانة بتهنى
وكل الدنيا بتغنى
ومأذون جاى ومستنى
وأنوار مالية كل الحىّ
دايما هو نفس الحلم
بشوفه ف صحوى ومنامى
ياخدنى من الحياة والناس
أشوف فيه كل أحلامى
حلمى انى أكون ليكى
أعيش عمرى ف حواريكى
وتبأى شريكتى وحلالى
وأجمل أم لعيالى
وأدعى كل يوم انى
أكمل بيكى عمرى الجاىّ
موافقة انى أكون سندك؟
أكون بيكى وأكون ليكى
وأكون الضى لعنيكى
وأكونلك صحة يوم مرضك؟ :(
موافقة تكونى ليا الأم
ف جرحى تشيلى عنى الهم
وتبأى مراتى وحبيبتى
وأختى وصاحبتى وبنتى
وتبأى عنيا لما أكبر
وعكازى ف يوم شيبتى؟ :(
موافقة!!
يبأى يوم سعدى :)
هعيش العمر على وعدى
أجيبلك م السما فرحة
وأغزل بالنجوم طرحة
ومن ضى القمر فستان
وطول ماأنا لسه فيا الروح
هكونلك طوق نجاة وأمان
هنرسم للسعادة طريق
ياخدنا بعيد عن الأحزان
نعيش.نحلم.ونتمنّى
هخليكى تعيشى حياة
كأنك عايشة ف الجنّة ^_^
ولو لأ
يبأى دى نهايتى
وآخر فصل ف حكايتى :(
ولازم تعرفى انى
محال من غيرك أقدر أعيش
عشان بيكى وبس أنا حى
8/8/2012
أنا نفسى حياتى تكون ليك
أرجعلك لو مهما اعصيك
وأجيلك مع كل آدان
أترجّاك باسم المنّان
تسامحنى وتغفرلى ذنوبى
ترحمنى وتسترلى عيوبى
أنا أصلى مجرد انسان :(
حالة وجع
احساس مخيف
لما تحس انك ضعيف
لما تعيش من غير حياة
لما تحس بكسرتك
علشان تجيب حق الرغيف
حالة غريبة من الوجع
مسيطرة على كل شىء
بتحول الأيام خريف
وجع على العمر اللى فات
على روح أسيرة وقلب مات
وجع على أحلام كتيرة بأت مجرد ذكريات
ممزوجة بالأفراح ساعات
مخنوقة بالأحزان ساعات
بيقول عليها الموجوعين
حالة من وجع السكات :(
لا أحتَاج لأسْبَاب لكَى أحِبُك ..
أنا أحِبُكِ فَحَسب ♥~
حِينَ نَلتَقى ..
لا تُقَارنى بَينى وَبَين كِتابَاتى إليكِ
فأنا حِينَها لم أكُن أنظرُ فى عَينَيكِ~
كُنتُ دَائماً أظنُ أن احتيَاجى لِحُضن أمى سَيقل عِندمَا أكبُر
وَلكنّى اكتَشَفتُ عِندمَا كَبُرتُ أنّى أحتاجُ إلى حُضنِها أكثر~
أنتَظِرُ دَائما ذَلكَ الصَباح الّذى أفتَح فيهِ عَينى لأرى ابتسَامَتك أمَامى...
أنتَظِرهُ بشدّة
Pagina 1 di 7.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.