قالت قصيدك ليل .. سودٍ معانيه
رويانةٍ بالدمع ... ومدادها دم
إلى متى يا شاعر الهم تخفيه
وإلى متى .. تحنى ضلوعك على هم
قلتَ البْكَا .. صعبٍ عليــَّـه وأنا ابيه
لا واهنَيّ اللي بكى وما تندّم
لي عبرةٍ يلعب بها الحزن والتيه
ولي صرخةٍ .. وتعبت ابلقى لها فم
لا ما كتبت الشعر .. لاحدٍ بسليه
ولانيب مداحٍ .. ولا باترنم
احساس لابيعه ولانيب شاريه
مرٍ يجي شهدٍ ومرات علقم
الى لمحتي دم جوفي .. فــــــــخليه
على الورق .. لا صار روحك تألّم
قلت الشعر يوم إن لي راحةٍ فيه
وحزين أنا .. إلى متى ؟.. الله يعلم
Autore: بدر بن عبد المحسن
