عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
!!!عجبي
Tag: رباعيات-جاهين
فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد
عجبي!!!
Tag: رباعيات-جاهين
لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
عجبي!
Tag: رباعيات-جاهين
الدنيا آوده كبيرة للإنتظار
فيها ابن آدم زيه زي الحمار
الهم واحد . . والملل مشترك
ومفيش حمار بيحاول الإنتحار
Tag: رباعيات-جاهين جاهين
ورا كل شبّاك ألف عين مفتوحين
وانا وانتي ماشيين يا غرامي الحزين
لو التصقنا نموت بضربة حجر
ولو افترقنا نموت متحسرين
عجبي!!
Tag: رباعيات-جاهين جاهين رباعيات صلاح-جاهين رباعيات-صلاح-جاهين
Pagina 1 di 1.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.