معها كان ضائعاً بين مــشاعر خوفه عليها ، وبعدها ازداد ضياعه خوفا عليها منها - من اختياراتها
عمر حسني جبريلوجدت كلمات شعري كمياه نهر جارٍ
وبدأت أنسق منها قصرا محل الدار
وكأي صرح مائي ، دون البناء انهار
فشعري يصنع مني ، بلا تنفيذ قرار
ويستحيل أن تخمد بماء الخيال النار
واليوم أجد شوقي للفراق ابن بار
فما عاد قلمي يجدي في ليل بدون نهار
واحنا ماشيين في الطريق
ماديين إيدينا لحلمنا
وضحكة الطفل البرئ
تهون علينا صعبنا
وبقوة النبض الجرئ
يزيد للضعف عمرنا
ومدة إيد الصديق
تطيب لينا جرحنا
ومهما الظلم كان غميق
أخرها الانتصار لنا
مطالبنا عدل وأمان
وكرامة واحدة تضمنا
اللي راح مبيتنسيش
لازم هيرجع حقنا
ومهما زاد عنه البعاد
مبيخلصشي صبرنا
ومهما زاد فيها الفساد
آخرها الانتصار ،،
لنا
ناس مقهورة وغلبانة
وشوشها مليانة أسية
من كتر همومها تعبانة
أحلامها تعيش عيشة عادية
طموحات أولادها بهتانة
ورا كل أمل ألف رزية
رغم الفقر نفوسهم شبعانة
وآمالهم سواعدها عفية
وأطفالهم بعنين دبلانة
نازلين الشغل الفجرية
صبي للجزار في السلخانة
وميكانيكي بعد الضهرية
ناس فعلا من شغلها شقيانة
فاهمين ، كرامة وحرية
ملامحهم يابسة وغرقانة
مـ الظلم أبدانهم مهرية
نزلوا ونفوسهم طفحانة
يحلموا بعدالة إجتماعية
ليه عيونكم منهم قرفانة؟
وتقولوا بلطجة وحرامية؟
يا جيوب من قوتهم مليانة
اختشوا !
لو مرة شوية
نعيش العمر مَرَّة
سنوات العمر مُرَّة
يُختَصَر العمر كُلَّه
بين كرةٍ و فَرّة
آه يا بلد معشوقة لأبعد حد
فيكي طيبة القلب ورقة الياسمين
بنده كل مرة ميجيليش الرد
غير أرض باردة من فرشة الزنازين
وهبت لك عمري ملقتش غير الصد
وجتتي في دمي عريانة في الميادين
ضميني لو ميت ترسمي ضحكتي عـ الخد
واللي فات مني تلحقه الملايين
اتمنيتك حاجة عملتي انتي الضد
ورسمتي ضحكة صفرا للخاينين
لحد امتي هتخبي الطريق للشط
واحنا وانتي في البحار تايهين
قالوا عني : خاين كافر مرتد
ولما صدقتي !
قتلوا عماد الدين
Stichwörter: الشيخ-عماد-عفت
الأول حي ، ميت بالوهن
وآخر مهموم للبيت المرتهن
وثالث عاطل ،
ضاع عمره ، بين آنات الشجن
وآخرون يتناوبون آهات الألم
ما بين أرملة وثكلى ،،
ويتيمة أعجزها الحَزن
وحقوق لم ترد
لدماء حواها الكفن
ومتصارعون حول السلطة
يبيعون المبادئ
بلا أدنى ثمن
وبرئ خلف القضبان
أفدوا به ذا الكرش العفن
وأحلام اغتالها ، سفاح نتن
وأيادٍ قذرة ، تتحرش بالبدن
فتستنجد المقهورات
ليجيب "الديوث"
أن الخطيئة أنثي
وأنهن سبب الفتن
مستنقع من الوحل
تسبح فيه الجِيّف
لتنجب المحن
قد باع النسر الأجنحة ،
فتعرى الوطن
بلياتشو للهاتك غير البراءة ما عنده
واقف ضد الحق يتمادي ويعانده
ترزي للقوانين وهو ده بنده
الخصم نفسه حكم وضعف المشتكي وحده
عمره ما لنفسه يدين ويقول كلام ضده
حاميها حراميها فاكر مفيش قده
ده سفاح قديم ما بيبقي علي عهده
عمر الحق في يوم ما هيعجبه رده
وحقيقي يبقي حمار مين يرتضي بحده
شيطانه له تلميذ وبظلمنا وعده
غدار وديب محتال والغدر يوم سعده
وبالتالي يبقي خروف مين ينتظر وده
عايز الشاب فينا يبقي كما جده
ويمشي جنب الحيط وإيده علي خده
ويرضي بالهامش بس ده بعده
Stichwörter: قضية-كشف-العذرية
ده أنا حالف لأجيب حقه ، ومهما حقه كلفني
أنا مبخافش من غازك ، ومكمل لو تخونني
جسمي اهو واقف منصوب لرصاصك لما تضربني
الحياة اتجاه واحد وآخره الموت هيطلبني
فاعيش وانا حر اكرملي من اني اقبل اعيش محني
ركيب ثورة وده باين ، وبحمايتك مش هتوهمني
لسه الدم بينا بحور ، ومفيش قاتل هيحكمني
وعودك كتير بتخلفها ، وبعدين بالسم تلسعني
شارع ورا شارع عليك شاهد ، وكذبك مش هيخدعني
شجاعتك شهامتك عليهم قلت ، وانك رفضت تقتلني
ولما طلب شهادتك قلت : محدش بالضرب أمرني
بالزور شاهد ولينا قاتل ، جبروتك مش هيكسرني
ماسبيرو ، ليا دين عندك يا هاخده يا تموتني
والي عريتها عن تارها ، مفيـش قوة ترجعني
وشباب كتير دبحته ، وكان واقف بيسندني
وست عجوزة تضربها ، عشان بالدعوة قوتني
فتنة ورا فتنة تزرعها ، وفي الزنازين بترميني
جرايمك مهما أعددها ولا ألف كتاب يكفيني
سقوط مفيش بديل عنه ، تجبني أو توديني
الكتب وحدها
ما تعملش تاريخ
ولا تعرف ،
تخلق بشر
يا اللي خايف ع الكتاب
اقرا معايا وافتكر،
أصلاً كتاب
من غير قراية
ميخليناش غير بقر
أو حمار شايل حمولة
مخدش غير تعب السفر
اكتب اللي قاله نبينا
دي جملة لازم تتنشر
قتل البشر
كارثة أكبر
من هدم كعبتنا
حجر حجر !
Stichwörter: الثورة المجمع-العلمي
« erste vorherige
Seite 8 von 13.
nächste letzte »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.