غدر الزمان ياقلبي ملهوش أمان
وحاييجي يوم تحتاج لحبة إيمان
قلبي ارتجف وسألني : أأمن بإيه؟
أأمن بإيه محتار بقالي زمان
عجبي
على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟
عجبي
أيوب رماه البين بكل العلل
سبع سنين مرضان وعنده شلل
الصبر طيب .. صبر أيوب شفاه
بس الأكاده مات بفعل الملل
عجبي
بلياتشو قال إيه بس فايدة فنونــــي ؟
و تلات وقق مساحيق بيلونونـــــــي؟
و الطبل و المزامير و كتر الجعـــــــير..
إذا كان جنون زبوني زاد عن جنوني.؟
عجبي
ما حد يقدر يبقى على كل شيء
مع إن -عجبي- كل شيء موجود
أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق
عجبي
مـنين أجـيبهـا كلمــة متألمــة
لعبيـة فايـرة حايـرة ومصـممــة
منين أجيب كلمـة تكـون بـنت أرض
تشـفى اللـى ما شـفاهوش كلام السـما
عجبي
أوصيك يا ربى لما اموت .. والنبى
ما تودنيش الجنة .. للجنة سور
غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم
عجبي
حقرا وفوق كوكب حقير محتقر
في الكون تكون دنياكو إيه يا بَقَر
رملايه من صحرا ؟ .. لكين إيش تقول
والكون بحاله جوّه عقل البشر
عجبي
« erste vorherige
Seite 9 von 12.
nächste letzte »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.