مش معقول ....
بيني وبينك ....
ختم دخول ... مش معقول ..
ودول ظباط .. وعساكر ..
ولا حبايب ...
أنا مش فاكر ...
أنا مش غايب ...
أنا مش سايب ...
ولا فتفوتة ...
كبر الواد ....
صوته إخشن ....
بس البنت .. تملي أحن ...
أنا ها اتجن ....
إيه الحدوتة …
لسه جمارك ...
لسه ها ندخل تاني معارك ...
ده انا مش مالك ....
غير اشواق ...
الله يلعن ...
أي فراق ....
بيني .. وبينك
ختم دخول .....
مش معقول .....
أنا المواطن نقط نقط نقط ..
يكون ف علمك أنا مش جبان ...
ولا بتهان وأسكت زي زمان ..
أنا بصرخ وأكتب وأبعت وأتكلم ..
وأسمع بقي يامعلم ..
أنا المواطن نقط نقط نقط ..
رقم قومي نقط نقط نقط ..
محل الأقامة نقط نقط نقط بجوار البنزينة ..
بصراحة حرام تعملوا فينا نقط ونقط ونقط ..
وتطلعوا نقط و نقط أهالينا ..
عملتوا إنتخابات وكلها نقط نقط نقط ..
وشيلتوا وحطيتوا حاجات نقط ونقط ونقط ..
بصراحة ....
أنا بقيت قدام مراتي حاسس إني مش نقط خالص ..
وأقول لها نفسي أبقي نقط بجد ..
تقوللي يا خويا متحرقش دمك ..
محدش بينفع حد ..
حسك ف الدنيا ..
بكره تبقي نقط ونقط ونقط .. !
بوابة تفتيش على بابك....
كل ما أحاول أعدي تزمر....
و بتتشرط....
و بتتأمر...
أرجع أدور تاني و أدور...
وكل ما أعدي برضه تزمر....
طب آدي الساعه....
و آدي حزامي...
و آدي بطاقتي...
و النضارة...
و آدي عنواني....
و كل حكايتي..
و آدي أمارة...
حتى الفكه الباقيه ف جيبي...
والاشعار...
و المحفظه مفيهاش غير صورتك..
ليل و نهار..
كل هدومي..
زي ما نازل من بطن أمي..
من غير حتى ورقة توت..
و كل ما فوت..
البوابه برضك بتزمر..
و لما لمحني..
واحد طيب م الحراس..
و قاللي اسمعني يا ابن الناس..
إرمي الحته الحلوه ف قلبك..
و عدي..
و البوابه عمرها..
ما تزمر..
بُص .. حا أقولك
م الآخر
أنا عندي عربية
ماركبتهاش
ومعايا فلوس
ماكسبتهاش
وجوزوني بنت حلوة
ماحبتهاش
وإشتريت بدلة جديدة
مالبستهاش
كسرت الحمام وغيرته
ماحستش بأي إنتعاش
خدت بعضي علي جنب
وكان يوم حر .. رطوبة
وقُلت لروحي.
إيه ياعم
إنت طوبة
قاللي لأ
يا صاحبي دي حسبة
ومحسوبة
أنا أصلي زمان
لمست قلبي
غنوة حب جميلة .. جميلة
لكن يا خسارة
ماحضنتهاش
أصعب شئ في الدنيا
تبقي مفلس
وجيبوبك مليانه فلوس
زهقت من قولة
دي بنت بألف راجل
أنا عايزة أحس
إني معاك مخلوق ضعيف
وإني فعلا بنتمي لجنسي اللطيف
تحميني من حزني
ومن إحساس مخيف
طول النهار مكشرة
وواخداها جد
ولمّة شعري على ورا
ومش شايفة حد
والدنيا حر موت
وأنا مليانة برد
وكل ده عشان يا دوب
أعدي الرصيف
ما عادش في الشارع شجر
بيرمي ضل
وكل يوم حاجات تضيع
وحاجات تقل
وأنا خلاص
ماعرفش ليه بقيت أملّ
واعذرني لو كان الكلام
مُر وسخيف
محدش فينا يا ابني بيختار الوقت.امتى هيعشق وهيعشق مين.يارب لو كان مكتوب علينا "الفراق.يفضل في قلوبنا الحنين
علي سلامةكل ما أعرفك أكتشف
قد إيه أنا كنت جاهل
لا بيحس ولا بيشوف ولا بيقدّر
وأخاف أعلن عن جهلي
وأستكبر وأقول لقلبي انساها
يقول ياريتني كنت أقدر
نفسي قوي فـ قصة غرام
لحظة هدوء تحميني من حزني ومن مرالكلام
ماعدش ينفع أبقي ريشة في الهوا
ولا عادش ينفع تبقي عيشة والسلام
ناس ترمى الحَب للحمام وناس تدبحه
وناس تروح مع الأيام ننساها وتنسانا
وناس تكمل معانا.. زى النسيم.. يطبطب علينا
فى عز ما احنا بنجرحه !
« erste vorherige
Seite 3 von 4.
nächste letzte »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.