على فكرة مش عيب إنك تصلي لربنا لما تكون محتاجله، العيب إنك متبقاش عارف ان البني آدم محتاج لربنا طول الوقت.
عمر طاهرصديقتي الهندية
مساء الخير يا صديقتي الهندية
اهلا بيكي ف دولة المتوحد
الخالي من عيوب الانتاج المعروفة
المتميز بعيوب جديدة
اهمها ضعف النظر
اهلا بيكي ورا سور الدولة العالي
اول بيت يمين هتلاقي يافطة عليها اسمي
ربان اعالي البحار
لو لقيتي قدام البحر قواقع
اعرفي ان البحر ف ضيافتي النهاردة
والرملة معناها اني وحيد
طول اليوم عنيا عالباب
ومش عايز ادخل حد
بس المشكلة اني سايبه مفتوح
وباقطع مشاوير جوه الفيلا
وارجع اقف قدامه بالساعات
وفي المسافة ما بين وقفتي والباب
طرقة فخورة بكل اللي عدوا منها وهما خارجين
مهزومين
انا المتوحد
اشهر سفاح في المدينة الفاضلة
واول واحد يرفض يكون معروف لانه عارف كل حاجة
انا بأثار الغرز اللي ف بطني
وبصدري المفتوح
وبكل الطاقة المغناطيسية اللي ف جسمي
بارحب بصديقتي الهندية
ومذهول من توقيت ظهورك في وقت مناسب لاي حاجة
لانتحار جماعي هيبدأ بدردشة أخوية
أو لدردشة أخوية ممكن تاخدنا لانتحار جماعي
ممكن كمان أحوال ألمسك
بقالي كتير مش قادر ألمس حاجة
ومحتاج أقفل الدايرة بحد يسحب مني الكهربا
عشان لما الدنيا تنور يقدر يشوفني صح
فاقدر اشوف نفسي ف عنيه
اهلا بيكي في الfull moon
بفستانك الهندي البسيط
وترددك الجذاب الواضح ف ابتسامتك الجميلة
أرجوكي اتعاملي كأنه بيتك
واوعي تخافي مني
المتوحد لا يؤذي أحد
يؤذي المتوحد نفسه فقط
أنا مش دراكولا
يمكن أكون متاهة وده أخطر
بس الحل سهل
ممكن متدخليش
أنا عمري مفرض متاهتي على حد
وأنا ساب الباب مفتوح
لأن المتاهة ف الآخر بتوصل للباب
اللي بالمناسبة لازم يكون مفتوح
والمتاهة سهلة
وانتي نفسك طويل
هوا البحر اللي فتح صدري
خللاني أنجذب دايما للي نفسهم طويل
أهلا بيكي
ولو دخلتي أستأذنك متقفليش وراكي الباب
وسيبي لي نفسك
صحيح أنا ربان أعالي بحار نظره ضعيف
بس أحلف لك
طول عمري ماشي في البحر بقلبي
قورتك ينفع يـتدق بيها مسمار فى الحيطة
وشفايلفك
من النوع اللى لازم يتباس فى الشارع قدام
الناس.ـ
جرح فوق حاجبك بيلمس القلب بسرعة
وتوترك أكتر حاجة مصدقها فيكى ..
بتكرهى الوظيفة ..
ومبتعرفيش حماقى
وبتدخنى زى ست عجوزة ..
وشكلك زى اللى سكرانة طول الوقت
بتواجهى العالم بخجل ..
بس بتفتحى باب التاكسى بمنتهى الثقة
وعمر المزيكا ، ماسكتت فى راسك
مزعجة
بتبنى أسطورتك كأنثى فى صمت
وبتنغزينى بابتسامة
كل ماأقرّب ..
أفك شفرة حزنك المألوف
كنت فاكرك مجنونة ..
دلوقتى ماعرفش ليه بقيت متأكد .!ـ
إزاى الخوف وصلنى لدرجة أنى مخافش ؟
عمر طاهرمعقد
وعصبى
وطفل كبير
بتخاف م اللى يحبك
و بتختار من المزيكا اللى يأذيك
و بتفتح كل يوم شباك
وعلى فين ما الشباك يوديك بتروح
يللى أنت متمشور ورا المجهول
ماشى على خيط رفيع مشدود
مابين الإختيار و المفروض
ونسيج نظرتك غطى على البيوت
من أول البشرية
ولآخر الملكوت
هتحارب تعيش
هتهادن تموت
بتحييك محبة
وتقتلك محبة
وفى جيبك مخبى نجمة بنت بنوت
يللى انت واخد ف وشك و زاعق
لا عارفينك فايق ولا مسطول
وقفتك قدام القهوة طالت
فارت
وأنت عارف انها فارت
بس مش عايز تغير المكتوب
شرير
لأ مسكين
لأ .. مذهول .
زيارة
............
بعد إذن السيد مأمور السجن
عندى زيارة من صديقى صاحب المسدس
اللى مارضيتش أبلّغ عنه علشان أقدر أستمتع بالعقوبه لوحدى
انا سجين الزنزانة 103
أنا مش سفاح سعادتك أنا حرامى شقق مفروشه
الشقق اللى اغلب الوقت فاضيه
ومقفوله بالمفتاح على عفاريت قاعده بتسكر
و تنم على اللى عدوا من الشقه
فى سهرا حمرا أو فى قعدة خيانه أو فى تغريبة واحد من كفر الشيخ
بس المرة دى اضطريت اقتل
كان فيه 3 رجاله كوايته و مومس تحت العشرين
مااستفزنيش انها كانت بترقص لهم
بس اتوترت لمّا لقيتها بترقص لهم عريانه
حسيت إن فيه مأساه مكلبشه فى جسمى كله
اضطريت افكها باربع طلقات من المسدس البريتا ال8 مللى بتاع صاحبى
قتلتهم
بس لاول مره فى حياتى ماسرقتش
ولإنى كنت فاكر إنى ريّحتهم سلمت نفسى لقسم قصر النيل.
تانى..
أنا مش سفاح سعادتك
والزيارة دى ممكن تنقذنى من هلاوس الحبس الانفرادى
دا غير إنها ممكن تبقى آخر فرصة أقدر أقابل فيها صاحبى
و أرجّع له المسدس بتاعه.
تيار
.............
تفحمت وحدتى تماما
عندما مررتِ بها كتيار كهربائى عشوائى
يفسد كل شىء
ولا يخلف سوى الظلام
الظلام الدامس.
حسنا
فليكن حوارنا الليلة
على ضوء الشموع
الرومانسيات
.................
ينتصب عنقها ببطء
كلما التقيت بها صدفة
تتأملنى برقة
وتدعونى لسيجارة من علبتها
تعتصرنى كسحابة هشة
وتكلمنى بلغة من أصفح بعمق
وفقد رغبته فى البكاء
ثم ترحل شامخة كالرومانسيات.
الرومانسيات ؟!
إنهن ينتقمن بضراوة
لكن الزواج جعل احترامي لعمال الدليفري يزيد فعامل الدليفري يقطع كيلومترات طويلة معرًضا خلالها للحوادث او للاحتكاك بأمناء الشرطة و يقف عند باب بيتك يقدم لك طلبك و يرضى باقل بقشيش بينما الزوجة تطلب منك ان تسجد لها لأنها قطعت المسافة من المطبخ الى الصالة حاملة لك كوبا من الشاي
عمر طاهرتخيّل نفسك شجره
و اثبَت لإنك شجره
ضارب فى الأرض مسافه
وثابت
وانت أدرى.
تخيّل نفسك نور
و اِعمى لإنك نور
أنا كنت سور البير
و صَبحت جير السور.
تخيّل نفسك باب
وافتح لإنك باب
على دنيا أصلا طريق
وبينتهى بسرداب.
تخيّل نفسك ليله
واِطول لإنك ليله
و النور سقفك ..تعالى
مهما تِطول دى ليله.
تخيّل نفسك ورده
و اِزهى لإنك ورده
كل الالوان قصادى
بس الريحه واحده.
تخيّل نفسك حلم
و براحتك ماانت حلم
التتر آخر حاجه
فى دنيا أصلا فيلم.
تخيّل نفسك بيتها
و اِدفى لإنك بيتها
واِن دقت راحتها فيك
اِعرف إنك حبيتها.
تخيّل نفسك مرّه
ماتخافش جرّب مرّه
الدنيا ماشيه أسيره
فى الوقت
وهيا حُرّه.
تخيّل نفسك باقى
و اِحزن لإنك باقى
و اِحلم تلقالك حاجه
و أتحدى لو تلاقى.
تخيّل نفسك جنبى
و اِلزق لإنك جنبى
الجسم ده مش ملكى
والغنوه دى من قلبى.
Stichwörter: قهوة-و-شيكولاتة
« erste vorherige
Seite 20 von 26.
nächste letzte »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.