يقطع ده اليوم الطين اللي اتعلمنا فاس.
كان يبقى صُح الفاس لو لينا أرض.
أهي بس ف دي
يبقى الفاس فاس
لكن ما اخْيبها شغله يا فاطنه
ان كانت في أرض الناس
عارفه يا مرتي الراجل في الغربه يشبه إيه .. ؟
عود دره وحداني .. في غيط كمون ..
قلبى ميشبهنيش.. فعلا ميشبهنيش، أوقات بيعرفنى وساعات ميعرفنيش.. فى الحب والإحساس.. وفى اختيار الناس.. يمشى على كيفه.. كتير وميقليش... أصدق كتير منى... وأجرأ كتير منى... وياما صدقته ياما... وكتير مصدقنيش
عبد الرحمن الأبنوديالفجر عُمره مــاقـــــال للّيــــل : عن إذنــــك .
يطلـــع .. يغمّـض عينيــك .. يصرُخ يصمّ اذنك
.
يهجم .. يعرّيـــك ... يخليـــــك تـحـترِم وزنــــك
مش كنت بتغنى للفجر السجين يطــلـــــــــــع ؟
أهو انــدلــعْ .. لـيـه مقــابــل فرحتُــه بحــزنــك ؟
سجنونا قاصدين يسجنوا الكلمة، والكلمة غصب عنها وعني، طلعت من القضبان ومـ الأسوار
عبد الرحمن الأبنوديوإحنا جاهلين فى السياية
بس لينا فى الحنين ..
لأمل يكشف ظلومة المظلومين ...
تقدروا تسمونا عشاق المبادىء ..
تسكت الأصوات فى أمّه .. نُصّ سامعه ..
والقضية .
الانسانية ..
تبقى سلعة
وسط ده كله اذا قلت الحقيقة
حتكرهونى
والسنتكو يشوهونى
الكلام ما يشيلش جثة
الكلام...ما فيهش دم
الكلام ما فيهوش هجوم و لا تراجع
الكلام مالوش لجان
الكلام ماهوش محاصر بالمدافع
لا دكاكينه بتقفل
و لا تتسمم غيطانه
و لا قاطعين عنه نوره أو مياهه
و لا ممنوع م العمل
و لا مشلول بالحصار الإقتصادي
و لا بالغاز المسيّل للدموع
و لا بيعاني عطش و يعاني جوع
زي أصغر طفل ف الوطن المقاتل
نسكتوا و الا نحاول؟
لأ نحاول
وانا الدرويش بأنزف دم
وسع لي الطريق يا عم
وماشي بجرحي مش مهتم
Stichwörter: ثورة-25-يناير-مصر
و كان لي حلم زي الناس ..
ما مديتشي الخطاوي في سكته الصعبه .. عشان يبقى ..
مافضلتش أسير و اشقى ..
عشان الحلم يتحقق ..
عشان يبقى و انا أبقى ،، فضلت العمر عالطرقة ..
و كان بدي أكون ، و بقيت ..
لكن غير اللي انا اتمنيت !!
و مرقت تحت مني سنيني تسخر مني و تعدي .
سحاب ضايع ، لا بيمطر ولا يندي .
و انطفى حلمي و نار شبابي الحي ن
و اديني عشت ميت حي ،
بدال ما اشد عمري .. شدني ،
و طواني تحته طَـيّ ..
Stichwörter: poet
« erste vorherige
Seite 3 von 12.
nächste letzte »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.