إتقدّم العلم والإعلام .. بيغطّي
وحكومتي باعته رسايل خزيها بخطّي
مجبور أوطّي معاها .. لمّا .. بتوطّي
الفرق بيننا لاليك جورنان ولا حكومة
ولا مين يقولك اقف .. ولا مين يقول: خطّي
يا ... ه ع الدنيا لما يفلت منها
حدّ من الحلوين
إتعودنا من الدنيا تسيب فيها الوحشين
والجيّد يرحل ما بين رمشة عين
لكنّ ابو سلمى استنى الحرب اللى ودعها
فى اربعتاشر واتنين واربعين
وتمانية واربعين .. وفى ستة وخمسين
وفى سبعة وستين
ليه هى الحرب دى مش حرب الكل
مش حيموت فيها ولاد الكل ؟
يبقى ليه القابض والدافع ؟ .. هه ؟
وكمان ليه ناس تتفرج
وليه ناس تانية بتدافع .. ؟ هه ..؟
بقى ده اسمه كلام
ساعات صدقنى باحس
إن تلات تربع أكل الشعب المصرى
حرام !!
بص قصادك ..
مش عسكر دى ..؟ مش أولاد ناس ..؟
مش دول ليهم أبات وأمّات ..؟
مش ليهم ايام عمر وكان المفروض تتعاش..؟
مش تعبت فيهم أهاليهم
والا جاية لاجل تموت ..
وتموت ليه ..؟
ماتعيش شبابها ليه..؟
وماتروحش السيما وما تحبشّ ليه؟
حكم الانسان ع الانسان
آه م الكاكى يا ولدى
الكاكى قانون.
الكلام مش مستجيب
والصمت عار
والمسافة بعيدة بين الفعل و القول البليد
لكن نحااول
لا قصيدة هاتجرى ع الاسفلت
ولاترمى حجر
ولافوق اكتافها راح تحمل شهيد
ولا هاتبعد خطر
ولا هاتقرب بعيد
الكلام اخر المطاف هو الكلام
و الدم .. دم
القصيدة توصف الدم الزكى ماتشيلش نقطة
توصف الام اللى ماتت بنتها قدام عنيها
بس وصف!
وصف جيد .. وصف خايب ..
وصف صادق .. وصف كاذب
فى النهاية كله وصف !
كل شعر الوصف
مايساويش فى سوق الحق صرخة
الكلام عن كل ده شئ م التطاول
انما .. لازم نحاول
الحكاية
أسلوب معروف
قرّب..جرّب
أسلوب ماركة
ضحكة عقرب
أسلوب معروف
لا تشرّق مني ولا تغرّب
بالوصفة دي تعرف تحكمهم
وتلملمهم من أي طروف
إعمل قديس
واحفظ أحوالهم واتشرب
وباركهم ..بس املاهم خوف!!
حاور..داور..ناور..
املاهاحلقات ومحاور
حط الأعصاب في التلاجة
بالراحة لحد ما تهلكمهم..
واعمل انك عامل معروف.!!
هدد بالضرب بلاش تضرب
أسلوب ماركة
ضحكة عقرب
يتعبوا..ويكلوا..ويملوا
يتسرسبوا واحد.. والتاني
ماشي في ضله
وانت افضل شوف
افضل لنهاية الشوط كله
واللي يشكلك شكله
مرة بحزم..ومرة بتحسيس
أسلوب معروف
البشر الخاطي..
والقديس!!
Stichwörter: freedom dictatorship
نطلع من الساقية نقع في طاحون
فاشهد يا وطني ع اللي فينا يخون
ياللي انت ماسك دفتر الخاينين
Stichwörter: revolutionary الثورة
وامتلأت الأسواق بالمواكب
تبيع صديد الوهم.. والمراكب
وفارشه بالوطن على الرصيف
بالفكر
والجياع
وبالعناكب..
ومذلة الرغيف!!
Stichwörter: corruption
والطفل
حتي إن ضحك
فالضحكة
تياري
باعوا البلد حتة حتة
ووزعوا الباقي
فجأة صوت الوطن علي
ودش القفل
الصبر فاض
والصدر ضاق
والأمر صار عجيب!
« erste vorherige
Seite 5 von 12.
nächste letzte »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.