الأوله آه
والغدر لمن حكم ,, صبح الأمان بقشيش
والتانية آه
والندل لما احتكم ,, يقدر ولا يعفيش
والتالته آه
والحر مهما انحكم ,, للندل ما يوطيش
الأوله غربتي
والتانيه بلوتي
والتالته كلمتي
سلام يا أرضنا
يا غيطان الفلاحين
يا ورشة الصنايعى
يا بحور الصيادين
يا مدرسة يا جامعة
سلام والدنيا سامعة
يا دُشمه يا خنادق
يا مدفع يا بنادق
واقفين و العزم صادق
تردوا المعتدين
ع الحق والسلام
سلام سلام سلام
سلام بإيدين قوية
خشنين و عرقانين
يناموا المغربية
و يقوموا مبًدرين
يَخضروا الجناين
و يطًيروا الحمام
و يعمرًوا المداين
و يضيعوا فى الزحام
سلام يحمى الحياه و صناع الحياه
و يزيد الإنتباه
فى الناس الطيبين
للحق والسلام
سلام سلام سلام
سلام يا أرضنا
يا جنات الزتون
يا أغلى عندنا
من حبات العيون
سلام نحميه بروحنا
و نصونه فى القلوب
و نداوى بيه جروحنا
إحنا
و كل الشعوب
سلام يطرح أمانى
و يزوًق الأغانى
و يروًق الأنانى
و يسقى العطشانين
للعدل والسلام
سلام سلام سلام
معتقل القناطر/ 1970
كل عين تعشق حليوة وإنتِ حلوة ف كل عين
يا حبيبتي قلبي عاشق واســــمحي لي بكلمتين
كلمتين يا مصر يمكن هما آخر كلمتين
حد ضامن
يمشي آمن
أو مآمن يمشي فين ؟
ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستياء
ممنوع من الابتسام
وكل يوم في حبك تزيد الممنوعات
وكل يوم بحبك اكتر من اللى فات
أنا اتوب عن حبك أنا؟
أنا ليّ ف بعدك هنا
دة انا بترجاك
الله يجازيك
يا شاغلني معاك
وشاغلني عليك
وان غبت سنة
أنا برضه أنا
لا أقدر أنساك
ولا لي غنى
ولا اتوب عن حبك أنا
***
زي ما يحلالك
زي هواك
سهرني عليك
سهرني معاك
دة انا عمري ما اخاف من هجرك يوم
ولا قلبي بيفرح وانا وياك
وان كان أمل العشاق القرب
أنا أملي ف حبك
هو الحب
وان غبت سنه
أنا برضه أنا
لا أقدر أنساك
ولا لي غنا
ولا اتوب عن حبك أنا
***
أنا لا اتمنيت
ولا قلت يا ريت
ولا بعدك عني
جعلني سليت
دنا كل منايا أدوق اللوم
ويقولوا علي الناس
حبيت
وان كان أمل العشاق القرب
أنا أملي ف حبك
هو الحب
وإن غبت سنه أنا برضه أنا
لا أقدر أنساك
ولا لي غنا
ولا اتوب عن حبك أنا
***
تخاصمني كتير
تصالحني كتير
كل دا يا حبيبي ما لوش تأثير
توصلني سنين
تهجرني سنين
ما تغيرنيش
دنا حبي كبير
و ان كان أمل العشاق القرب
أنا أملي ف حبك
هو الحب
وإن غبت سنه
أنا برضه أنا
لا أقدر أنساك
ولا اتوب
عن حبك أنا
Stichwörter: love عشق الشيخ-إمام محبة
إن قلت كلمة لم تخف
و إن خفت كلمة
لم تقول
كلام تقيل على الخفاف
و الفهم لصحاب العقول
مفهمتينيش
شد اللحاف
و نام و سيب النوم يطول
و بوس إيديك
و كلها حاف
و الصبر برسيم العجول
تاكل شمال
تشيل كتاف
يعرض قفاك
و اصبر تنول
و لما تفرج بالكفاف
تهيص
وتملا المخله فول
على رأي المثل
مات
بس فات للأمل
فوق الطريق علامات
لو سا عليها العمل
طول الطريق بثبات
تهدي الغريب سكته
وتقرب المسافات
يا ليل أمانه
يرضيك دا كله
أعشق حبيبي
وأخاف أقول له
ولما عيني
تسهر يا عيني
ماتشوفش نوره
ولا حتى ضله
...مش انت واحد مننا ؟؟
و عمرك في يوم ما سرقتنا
...ولا خدت مليم مننا
ما تيجي طب ترجعلنا
تقعد بأهلك وسطنا
أهو مرة تاكل أكلنا
وتلبس يا خويا من لبسنا
وتعيش في حارة او في شارع زينا
قلت ايه ؟؟ يا حارق دمنا
سيادة المخلوع ... ارجعلنا
وغداك يا سيدي عندي أنا
رز و بطاطس مسرطنة
لحمة ؟؟... مفيش من سنة
فاكهة ؟؟... تعيش انت و أنا
و الشاي .. بآخر معلقة م السكر اللي كان عندنا
اشرب و فوق وركز بقه .. علشان نكمل حكينا
سيادة الرئيس ... ارجعلنا
مش سبت الحكم .. لأجلنا ؟؟ـ
ما تيجي تسمع حكمنا !!ـ
أفكرك ؟؟ ولا انت فاكر زينا
قطار اتحرق من كام سنة
وغازنا اللي طار من أرضنا ... لعدونا
وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا
ومركبة بأحلى شباب ... ييجوا من ايطاليا غرقانين .. والقرش ياكل لحمنا
والله كانوا زينا
ويمكن أحسن مننا
لهم بيوت و ولاد و عيشة و حلم .. زي حلمنا
اتغربوا و اتبهدلوا .. لما الفساد طال كل حاجة في أرضنا
واللي ما ماتش .. قاعد في غربته .. والغريب بيذلنا
اقول كمان ؟؟ ولا كفاية ... و اهو انت عارف عننا
أصبر هتسمع حكمنا
سيادة الرئيس ... ارجعلنا
ولو انت واحد مننا
فعلا يهمك أمرنا
يلا بينا عالنائب العام .. تفتنله على ولاد الحرام ... مصوا بلدنا و دمنا
و افتن دي فتنة مش حرام .. ده حقنا
دا لو انت واحد مننا
أصبر هتسمع حكمنا
سيادة الرئيس ... ارجعلنا
اقعد معانا و زينا
هعرفك .....ـ
دي (أم خالد) أمنا
ودول أهل (سالي) أهلنا
و(عمر بن بنونة ) إبننا
فسر و احكي و قللهم .. و قللنا
واستسمح الروح اللي منورة في الجنة عند ربنا
هتقول مكنش قصدنا ؟؟ـ
دول ماتوا غصب عننا ؟؟ـ
كداب و فاجر .. و اللي يصدقك زيك .. والكدب ريحته منتنة
تتشل إيد اللي ضرب ،، و اللي أمر ،، و عليكوا لعنة ربنا
أصبر هتسمع حكما
أيوه بقول ارجع لنا
ياللي سرقت حلمنا
وغربتنا و نهبتنا ... و في كل حتة أهنتنا
إحنا اللي سال دمنا
في الأربعين و اسكندرية و التحرير يشهدلنا
آدي القفص ... أقف هنا
والشعب يحكم .. مش أنا
صدقني ... هي بينة
من فوق سبع سماوات .. قالها ربنا
العين بالعين والسن بالسن ... و هو دا بقه حكمنا ... و مفيش غيره عندنا
Stichwörter: the-trial المحاكمة
« erste vorherige
Seite 6 von 6.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.