كل يومين .. بكبر و ارمي حاجات
و اكتشف إن أنا .. كان ممكن أعيش
من غيرهم اصلا من ألاول
ما اعرفش بقى اليأس اتحول
و قلب زهد
و لا دا جين صوفي من الأول مش محتاج جهد ؟
مَثلُ الذين بِيمشوا ع الكتالوج
و بِيعملوا المطلوب .. مِن غير ولا غلطة
مَثلُ الذين بِيركبوا المترو
و ما يركبوش اتناشر و أربعة بشَرطة
لاتنين ما بِيحبوش .. القعدة ع الدكة
و بِيكسبوا وقتهم
و بِيخسروا السِكَّة
دايماً على قدّ ما تِتساب .. سِيب
و على قدّ ما واحشك أحباب .. غِيب
كُل الدَاين .. كان مِتداين
و الدين بِيلّف بدون ترتيب
البقاء لله يا صاحبى
شد حيلك ..كله فانى
وابقى قول لو عوزت حاجة ..وانت عارف فين مكانى
وإحنا أهل مفيش كسوف
حد ضامن الظروف ؟!
وانتا عارف
عينى ليك
واحنا عشرة
وعيب عليك
إنتا خيرك برضه سابق
واللى بينا مش شوية
واللى راح كان زى أخويا
وكان جدع ويخاف عليا
وكنت أحس إيه مضايقه وهو جاى من بعيد
وكان فاهمنى زيى وأكتر
وكنت أنا صاحبه الوحيد
من وكنا صغيرين
إتناقشنا فـ كل حاجة
كورة ..فن ..سياسة ..دين
وله معايا ..ميت حكاية
وذكريات ملو السنين
وربنا يجمع ما بينا فـ حتة أحسن
قول آمين .
هو مين بيعزى مين !
ولا اعزى ازاى فـ دمى
ع العموم متشيلش همى
وخلى بالك بس منى
مش بقول تنساه لكنك
عارف إن الدنيا ماشية
وبكره نبقى كويسين
وابقى زوزره كل جمعة
واقرا عدية يس
وانتا عارف
لو هينفع
كنت أجيلك
والبقاء لله يا صاحبى
وشد حيلك
اللى فات ..
نص تلغراف وصلنى من ساعات
وكان عزا نصى اللى عايش ليا
فـ النص اللى مات
يا رب لا تبتلى ربعنا بالتلات تربع
و لا تبتلى يا رب قلتنا بالغالب
لا تبتلى يا رب شعبنا فى وطنه
طول ما عدد جواه
لسه مهوش سالب
فى فرق بين صبر العاجز
علشان ما بقاش حاجة فى إيده
و بين واحد أصلاً مش عايز
غير زى ما بس يعوز سيده
معرفش غير دربكم
و المشى فى ركبكم
و اعيش و اموت وسطكم
يا دولة الثوار
دور البرد اللى يجيلك مرة
بيموت و يسيبك للى مجوش
فبلاش خوف لا تعيد الكرة
وفر خوفك للى ما شفتوش
فى الدايرة مفيش واحد بيتوه
غير اللى يقرر يوقف لف
عمر ما فى عادى بيسأل ليه
م الأصل إتساب .. أو ليه هيسيب
« first previous
Page 9 of 12.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.