مش مُجبر إنى أختار
الحر رأيه من راسه
ودستور الجنه والنار
دستور ملعوب فى أساسه
مش مكسوف أقول "اّسف"
ومش عارف أقولها لمين !
فيه ناس زعلان أنا منها
ومزعل منى ناس تانيين
وناس عامله زعلانه
وناس فـ رجوعى عشمانه
وناس بعشقها بـ أمانه
وبستغرب وصلنا لفين !
أنا اّ سف يا أغلى الناس
ولو مش أنا الغلطان
أنا اّسف ..أنا مسامح
أنا من غيركم الخسران
أنا "الشاطر" فـ تجارة الدين
"جزار" أحلام المساكين
أمريكا قالت إنى "بديع"
والباقى كخه و وحشين
"صبحى" نهضه وليلى أمان
و فـ عهدى هتبات "عريان"
"مالك" أختام الشرعيه
ولعلمك .... أنا مش اخوان
سلام ..
يا كل اّه محبوسه جوايا
عشان ..
مبقاش فـ قلبى ليكى وللأحزان
مكان
انتى قبر ولا دولة ؟!
موتى فيكى سهل ليه ؟!
نفسى أشوف منك محاولة
نفسى دمى يتخاف عليه
ولسه الفرح ممنوع
ولسه الغراب جبان
ولسه الهتاف مسموع
ولسه للثورة ميدان
ولسه عندى حبة دم
ولسه حق أخويا مجاش
ولسه هيبة سيادته أهم
ولسه جيلنا مابينساش
أصعب حاجه إنك تنسى
شىء قاصـد إنـك تنساه
تسأل قلبك .. ها ؟ نسيته ؟
يستغرب ويقوللك .. لا
تبدأ تعمل إنك ناسى
مع إنك فيه بتفكر
وتسأل قلبك تانى ع الماشى
هيقولك .. كده فاكره أنا أكتر
أحلى الكلام تخاريف
وكل الكلام مسموح
خرف بشكل لطيف
خرج همومك بـوح
Tags: بوح
آخر كلامنا رسايل قديمة
بشوفها لما الحنين يزيد
حافظها وعمرى ما زهقت منها
آخر كلامنا دايماً جديد
أضحك عشان ضحكنا ساعتها
وازعل معاها وأقلق ساعات
وفـ وسط الرسايل رسالة لقيتها
" ده آخر كلامنا وهننسى اللى فات
الجبان .. عاقل وراسى !
وتبقى صايع لو تثور !
الهتاف جارح وقاسى !
والرصاص بيدى نور !
ماشيه بالمقلوب ياناسى !
طول ما اللى سايقها طور
« first previous
Page 4 of 5.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.