و الحب و القرب و الفزع من الفراق .. كلها أشياء تجبرنا أن نكون غرباء !!
فاطمة عبد المنعم عليفضلت أهرب من نفسي ييجي اسبوعين
و أنا أصلي عارفه الهروب ده نوعين
نوع من دماغي و ده كان كل أملي
و نوع من صوري القديمة و حلم مملي
و فضلت اعافر إني ماشوفش أي مرايا
ولا بقايا شبهي تفضل ورايا
لكني فجأة ضحكت و لقيتني أنا و نفسي مستهبلين
و بنتخانق كل يوم الصبح .. من إمتى ؟؟ من اسبوعين !!
ملعون أبوك يا حاكم لو رفضت تتحاكم
بتهمة فرقة بين أخوات
بتهمة الدخول في زفة البشوات
و انت مش فاهم
ان الشعب ده صوته اتنبح
علشان خروف .. اندبح
و ذنبه في رقبة الخواجات
ملعون أبوك حاكم دخلتنا في متاهات
و ملعون أبو شعب يفاوض تاجر الديانات
رابط هنا يا ثائر علي عتبة ال بًكره
اوعاك تدوس أو ترجع فتصبح دماء نكره
رابط هنا و استمع لحكمة امبارح
ده الحق راح يندلع في غيط ظلم كان سارح
هو الوطن ايه غير أيدين مضمومة و أكتاف بتتسند ؟؟
و هي الثورة ايه غير صرخة واحدة جوانا بتتجدد ؟؟
مين اللي فرّق في العيال و هو فين
مين اللي قال ان اللي غنولّك يا بهية .. ملعونين ؟؟
مين اللي قال سيبوا الجموع و بكره تتعود
مين اللي احتكر الدين في دقن و ذبيبة صلاة .. و وش متجمد
انت أخويا مهما كنت بلاش تبيع الدم .. مسيرك عليا تتسند
لما أقول لك كتير "بحبك" .. يبقى أكيد أنا قلبي خايف !!
و باتنفض من أي بكره .. ييجي ياخدك من إيديا
و لما تلاقيني ماسك فيكي و كلامي مش مباح بلغة الشفايف
إعرفي إن صمتي أصبح بيعكس .. عجز بوحي فيا
و لو سكت .... اسمعيني
لو بعدت ... إمنعيني
و مهما رحت ... بتوحشيني
بس يمكن من عجز حبي ليكي مابقتش شايف
أنا بحبك ... آسف إني خايف !!
عارفة لما شفت آخر صورة ليكي
أنا اتكسرت
برغم حبي لابتسامتك و عينيكي
لكن اتدمرت
أصل يا حبيبتي مستحيل
ملقيش في عينك أي دليل
على لهفة فينا
ضحكة مكسورة تداوينا
رغم بعادنا صورة مفترقة تنادينا
لكن في إبتسامتك دي .. أنا إتبعترت
و يمكن من بعدها اتغيرت ...
من آخر صورة بجد ... أنا اتكسرت !!
ولا تجزع من قلبك لانه عاشق ... ولا تتمرد عليه كما تمرد عليك , فهو انجذب لمعانقة الحياة بالهوي !
فاطمة عبد المنعم عليفعليك أن تستيقظ لان إنقباض رمشك هو اندثار الدم من الشريان و عليك أن تتعبد كي تعطي فرصة لقلبك أن يحيى و وجدت في صمتك جزع فتكلم و لا تخف ، فظلمات الدنيا ترشدك لثنايا تبث في طياتها نور ...
فاطمة عبد المنعم علي« first previous
Page 2 of 2.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.