والمعرفة متجيش بلاش
دفع التمن
بقى ذئب لكن يؤتمن
من كل أوساط الذئاب
القوة والزيف والشباب
وعيون مغلفها الحذر
الحق دا وجهات نظر
وأنا وجهتي صبحت
ِلفوق
كل البيوت صبحت إزاز
حتى الحيطان المايلة
زادت ع الطريق
واتبدلت كل الوشوش
بقناع برىء
مفضلش غيرها
شريطة سودة مكلفته
صورة ضماير ميتة
فى برواز
معدش الخير في تكويني
سواد الدنيا م ا لدنيا
دى ولا سوادها من عيني
وأنا بعيني
ببص الصبح في مرآيتى
بشاعة صورتي كسرتها
عدى الخليفة علينا
ومكنش فى القدرة
ولا نقطة أمل
لكنه بصلنا بملل
و محسناش
و أحنا بمروره محسناش
غير بس من صف العساكر
و ارتعاشات الطريق
من تحت رجلين الجموع
كل حب وله ضحية كل شيخ بيقول يجوز
البنات عصافير شقية والجواز صياد عجوز
مكنتش فيكى المشكلة
ولا فى الظروف الصعبة
ولا طيش الشباب
المشكلة فيه أنا
أنا والنهايات السعيدة مش صحاب
أنا شابت فعنيه النظرات
مابقتش لا واعر
ولا واعي
لو وجعك نقطة ف أوجاعي
تبقى أنت شهيد
السما بتمطر نار وجليد
واليأس سديم مش متناهي
كل الموانى بشدة ترفض مركبى
كل البحور تطردنى براها بغضب
أول أشارة أبعتها بتطيش في السحاب
أخر أشارة أبعتها مبقلهاش لزوم
ظلمات ورعد وبرق في شراسة الغرق
والموج مغطى الموج وأنا من غير غطا
بستجدى من كل الخرايط حزنها
وأهبد دماغ البوصلة في حيطان الغيوم
الشمس مبتبعتش نور
غير للى ناوى يشوف بجد
الغربة كان أحساسى دايما وسطكوا
طب أنتوا كان احساسكوا أيه
كانت عنيه متبته فى الأرض
والصمت كان رغبة وسمه
شجرة مشاعرى بتنتـفض أسرار
لكن مفيش ولا سر ممكن يتوصف
تتساوى عزلة قلبى في كهوف الغياب
بحضوره في جميع الطقوس المعلنة
يعصرنى شبح الأسئلة
بصوابع أخشنت هموم
« first previous
Page 2 of 4.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.