الشمس فاكهة الشتا
الحب .. فاكهة الربيع
مين يشتري حكمة حياتي الميتة
ويردني رضيع ؟
Tags: شتا-شمس-حب
يا قمر لا تاخدني علي جناحك
ولا توريني حلمات النور
بس تعالي
فوت من شابكي وتعالي
شوف الحالة
وابدر في عز الضلمة النور
النور .. النور
في بحيرتنا المليانة بحيرتنا
بتنوح الريح .. يادي الصرخة
كنا كتمناها في صدورنا
لما انقطمت تحت حمول الهم ضهورنا
الليل علي مداين حزينة اتفرش
الليل .. بضافر قسوته
في قلبي هبش
نفسي اتكرش
وكل شيء في الدنيا كش ّ
والريح صرخة
لكن منيش سامع
غير صرخة الفجر الوليد النور
الليل خراب
عفاريت رياح سود تسكنه
تنعق ولا مليون غراب
دوامة سودة ودايرة تحت وفوج
والدنيا بحر غويط وعالي الموج
لكن ما دام في الجلب حب وشوج
مهما ميزان الدنيا كان معووج
لابد يوم يصفى الزمان ويروج
ودي حكمة الأيام
Tags: مسلسل-الأيام
يا حلوة يا بلدنا
يا نيل سلسبيل
في حبك إنتي رفعنا راسنا لفوق
لو الزمن ميل ما يرهبنا ليل
شوقنا في عروقنا يصحي شمس الشروق
Tags: حبيبتي-من-ضفايرها
الشر شرق .. وغرب..داخل فى حوشنا
حوشو لريح شارده تقشقش عشوشنا
حوشو شراره تطيش ..تشقق عروشنا
و تغشنا المرايات .... تشوش وشوشنا
وتهيل تراب على الهاله .. والهيلامان
Tags: أرابيسك
..بين رهبة م التوهة وتوبة برغبة
..سددنا دينا وغيرنا أغني وأغبي
..وقلوب مصاحبة الحق صاحية ومشاغبة
..وقلوب تدوب ف قلوب ولا هي دارية
« first previous
Page 3 of 4.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.