شمس الأصيل دهبّت
خوص النخيل يا نيل
تحفة ومتصورة
في صفحتك يا جميل
لوالناي على الشط غنى
والقدود بتميل
على هبوب الهوا
لما يمر عليل
***
يا نيل أنا واللي احبه
نشبهك بصفاك
لانت ورقت قلوبنا
لما رق هواك
وصفونا في المحبة
هو هو صفاك
ما لناش لا احنا ولا انت
في الحلاوة مثيل
***
انا وحبيبي يا نيل
نلنا أمانينا
مطرح ما يرسى الهوى
ترسى مراسينا
والليل إذا طال وزاد
تقصر ليالينا
واللي ضناه الهوى
باكي وليله طويل
***
اناحبيبي يا نيل
غيبين عن الوجدان
يطلع علينا القمر
ويغيب كأنه ما كان
بايتين حوالينا نسمع
ضحكة الكروان
على سواقي بتنعي
ع اللي حظه قليل
يا نيل

بيرم التونسي

Tags: شعر-غنائي

Go to quote

---

محلاك يا مصري و انت ع الدفة

و النصرة عاملة للكنال زفة

يا ولاد بلدنا تعالوا ع الضفة

شاوروا لهم .. غنوا لهم .. و قولوا لهم

ريّسنا قال مفيش محال

راح الدخيل و ابن البلد كفّى

حيوا الرجال السمر فوق السفينة

حيوا اللي جاهدوا عشان ما يفرح وادينا

بصت لنا الدنيا و شافت عملهم

غنّت بكل لسان على كل مينا

يا ولاد بلدنا تعالوا ع الضفة

شاوروا لهم .. غنوا لهم .. و قولوا لهم

ريّسنا قال مفيش محال

راح الدخيل و ابن البلد كفّى

أنا قلبي فاكر لسه مين اللي جارحه

و لولا يوم النصر ما اتلم جرحه

شفت الكنال .. في إيدين رجال من بلادي

رفرف عليهم قلبي من كتر فرحه

يا ولاد بلدنا تعالوا ع الضفة

شاوروا لهم .. غنوا لهم .. و قولوا لهم

ريّسنا قال مفيش محال

راح الدخيل و ابن البلد كفّى

حبايبنا شرق و غرب جايين بلدنا

يشاهدوا نور الحق فوق كل مدنة

و نسيمنا بالأحضان يقابل راياتهم

و كنالنا يحكي لهم حكاية جهادنا

يا ولاد بلدنا تعالوا ع الضفة

شاوروا لهم .. غنوا لهم .. و قولوا لهم

ريّسنا قال مفيش محال راح الدخيل و ابن البلد كفّى

صلاح جاهين

Tags: شعر-غنائي

Go to quote

---

الحب كده وصال ودلال ورضا وخصام

اهو من ده وده الحب كده مش عايز كلام

الحب كده

حبيبي لما يوعدني تبات الدنيا ضحكالي

ولما وصله يسعدني بافكر في اللي يجرالي

ينسيني الوجود كله ولا يخطر على بالي

ولما طبعه يتغير وقلبي يبقى متحير

مع الافكار ابات في نار وفي حيرة تبكيني

وبعد الليل يجينا النور وبعد الغيم ربيع وزهور

اهو من ده وده الحب كده مش عايزه كلام

الحب كده

حبيب قلبي يا قلبي عليه ولو حتى يخاصمني

ويعجبني خضوعي اليه واسامحه وهو ظالمني

وبعد الغيم ما يتبدد وبعد الشوق ما يتجدد

غلاوته فوق غلاوته تزيد ووصله يبقى عندي عيد

وبعد الليل يجينا النور وبعد الغيم ربيع وزهور

اهو من ده وده الحب كده مش عايزه كلام

الحب كده

يا سعد اللي غرف مرة حنان الحب وقساوته

ويا قلبه اللي طول عمره ما داق الحب وحلاوته

تشوفه يضحك وفي قلبه الأنين والنوح

عايش بلا روح وحيد والحب هو الروح

حبيب قلبي وقلبي معاه بحبه في رضاه وجفاه

اوريه الملام بالعين وقلبي على الرضا ناوي

بيجرح قد ما يجرح ويعطف تاني ويداوي

اهو من ده وده الحب كده مش عايزة كلام

الحب كده

بيرم التونسي

Tags: شعر-غنائي

Go to quote

---

طول عمرى باخاف من الحب وسيرة الحب وظلم الحب لكل أصحابه

وأعرف حكايات مليانه آهات ودموع وأنين والعاشقين دابوا ما تابوا

طول عمرى بأقول لا أنا قد الشوق وليالى الشوق ولا قلبى قد عذابه

وقابلتك انت لقيتك بتغير كل حياتى

ما أعرفش إزاى حبيتك ما أعرفش إزاى ياحياتى

من همسة حب لقيتنى باحب وأدوب فى الحب وصبح وليل على بابه

****

فات من عمرى سنين وسنين شفت كتير و قليل عاشقين

اللى بيشكى حاله لحاله واللى بيبكى على مواله

أهل الحب صحيح مساكين

ياما الحب نده على قلبى ما ردش قلبى جواب

ياما الشوق حاول يحايلنى واقول له روح يا عذاب

ياما عيون شاغلونى لكن ولا شغلونى

إلا عيونك انت دول بس اللى خدونى وبحبك أمرونى

أمرونى احب لقيتنى باحب وأدوب فى الحب وصبح وليل على بابه

****

ياللى ظلمتوا الحب وقلتوا وعدتوا عليه قلتوا عليه مش عارف إيه

العيب فيكم يا فى حبايبكم أما الحب ياروحى عليه

فى الدنيا ما فيش أبدا أبدا أحلى من الحب

نتعب نغلب نشتكى منه لكن بنحب

ياسلام ع القلب وتنهيده فى وصال وفراق

وشموع الشوق لما يقيدوا ليل المشتاق

يا سلام ع الدنيا وحلاوتها فى عين العشاق

أنا خدنى الحب لقيتنى باحب وأدوب فى الحب وصبح وليل على بابه

****

يا اللى مليت بالحب حياتى أهدى حياتى إليك

روحى..قلبى..عقلى..حبى كلّى ملك ايديك

صوتك..نظراتك..همساتك شىء مش معقول

شىء خللى الدنيا زهور على طول وشموع على طول

الله ياحبيبى على حبك وهنايا معاك الله يا حبيبى يا حبيبى الله الله

ولا دمعة عين جرحت قلبى ولا قولة آه

ما بقولش فى حبك غير الله الله يا حبيبى على حبك الله الله

من كتر الحب لقيتنى باحب وأدوب فى الحب وصبح وليل على بابه

مرسي جميل عزيز

Tags: شعر-غنائي

Go to quote

---

أعطني الناي و غن فالغنا سر الخلود
و أنين الناي يبقى بعد أن يفنى الوجود
هل تخذت الغاب مثلي منزلا دون القصور
فتتبعت السواقي و تسلقت الصخور
هل تحممت بعطر و تنشفت بنور
و شربت الفجر خمراُ في كؤوس من أثير
أعطني الناي و غن فالغنا خير الصلاة
و أنين الناي يبقى بعد أن تفنى الحياة
هل جلست العصر مثلي بين جفنات العنب
و العناقيد تدلت كثريات الذهب
هل فرشت العشب ليلاُ و تلحفت الفضا
زاهداُ في ما سيأتي ناسياُ ما قد مضى
أعطني الناي و غن فالغنا عدل القلوب
و أنين الناي يبقى بعد أن تفنى الذنوب
أعطني الناي و غن و انس داء و دواء
إنما الناس سطور كتبت لكن بماء

Kahlil Gibran

Tags: شعر-غنائي

Go to quote

---

ما خفيته بان في عيني كتاب : يحتوي اكثر من احزان الشعوب ..
في حروفه عن معاناتي جواب : والحزن ما بين طياته يجوب

سالم سيف الخالدي

Tags: شعر-غنائي

Go to quote

---

« first previous
Page 2 of 2.

---

---