انا لما بحب اكتب بكتب علي النوت باد ..
وبشرب الشاي عادي متلأم في البراد ..
يجري ايه لو رجعنا نزرع بالفاس من غير سماد ..
يجري ايه لو سبنا الحكم ع الناس لرب العباد ..
كلام شبه الكلام بس الطعم متغير ..
وايام بتفوت اوام وبرضه القلب متحير ..
يا تري اوقاتنا الحلوة هتدوم ..
ولا كالعــاده .. عمرها قصير ..
لما تقارن الاجور بيننا و بين الاجانب ..
هتلاقي من الفجور انك تكون عازب ..
هتشكر المسئولين .. علي تخفيض سعر الحشيش ..
وتلاقي ان تجاره .. بيتحبسوا علي مفيش ..
وتستغرب ليه المصري في الغربه عمال يحارب ..
مع انه كان في بلده بيرمي رغيف العيش ..
عاش ولا مات
جرا ولا ماجراش
الكون شغال زي البوتاجاز
والزمن أصبح ضربة فاس
بتشق العمر
والمستقبل لسه ماجاش
بس ايه اللي مابيجراش
Tags: شعر-عامية خواطر شعر-عامي
ضرب الودع قاله مستني اقولك ايه ؟!
ماضيك خلاص انتهي و الجاي انت بانيه ..
بكره في علم الغيب تزرعه هتلاقيه ..
مكنتش هبقي ودع لو كنت بفهم فيه ..
« first previous
Page 2 of 2.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.