كروان جريح مضروب شعاع م القمر
سقط من السماوات فؤاده انكسر
جريت عليه قطة عشان تبلعه
أتاريه خيال شعرا وملهوش أثر
عجبي
دخل الربيع يضحك لقاني حزين
نده الربيع على إسمي لم قلت مين
حط الربيع أزهاره جنبي وراح
وإيش تعمل الأزهار للميتين
عجبي
الدنيا آوده كبيرة للإنتظار
فيها ابن آدم زيه زي الحمار
الهم واحد . . والملل مشترك
ومفيش حمار بيحاول الإنتحار
Mots clés رباعيات-جاهين جاهين
مهبوش بخربوش الألم والضياع
قلبي ومنزوع م الضلوع انتزاع
يا مرايتي يا اللي بترسمي ضحكتي
يا هلترى ده وش والا قناع
صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن
ورد فى ورق سلوفان يا حلوة أهديلك ؟
ولا أنقله بلطين فى شتلة و أجيلك ؟
الأولانى لو وحا بحنانى
عجبى على التانى ب ايه يوحيلك ؟
عجبى !!
أوصيك يابني بالقمر و الزهـــــــــــــور
أوصيك بليل القاهرة المسحـــــــــــــور
و إن جيت في بالك .. إشتري عقد فل
لأي سمرا.. وقبري إوعك تـــــــــزور
تسلم يا غصن الخوخ ياعود الحطب
بيجي الربيع تطلع زهورك عجب
وأنا ليه يمضي ربيع وييجي ربيع
ولسه برضك قلبي حته خشب
عجبي
كام اشتغلت يا نيل في نحت الصخور
مليون بئونه و الف مليون هاــــتور
يا نيل أنا ابن حلال و من خلفتــــــك
و ليه صعيبه علي بس الأمــــــــور
حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
« ; premier précédent
Page 10 de 12.
suivant dernier » ;
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.