زي الهوي
زي الهوي الساري ...
و خيال الطيف
أحلي سنين العمر بينا تمر
يا نعيش هوانا حلم ليلة صيف
يا تـِتـُوه خُطانا في ليل شـِتانا المر
و لما تتلاقي الوشوش مرتين
ما بيتلاقوش يوم اللُقا التاني
عمر الوشوش ما بتبقي بعد السنين.....
نفس الوشوش دي بتبقي شئ تاني
بتبدل الأيام ملامحنا
..تـِـرعشنا
..تنعشنا
...تشوّشنا
يا تري اللي بيعيش الزمن ... إحنا
، ولاّ الزمن هو اللي بيعيشنا ؟!!
و لمّا تتلاقي الوشوش مرتين
مبيتلاقوش يوم اللقا التاني
عمر الوشوش ما بتبقي بعد السنين.....
نفس الوشوش دي بتبقي شئ تاني
منين بيجي الشجن.. من اختلاف الزمن
ومنين بيجي الهوى.. من ائتلاف الهوى
ومنين بيجي السواد.. من الطمع والعناد
ومنين بيجي الرضا ..من الايمان بالقضا
من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن
ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع
ولفين ياخدنا الأنين
لليالي ما لهاش عينين
ولفين ياخدنا الحنين
لواحةالحيرانين
ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا
ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانين
Mots clés ليالى-الحلمية
من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن
ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع
« ; premier précédent
Page 4 de 4.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.