مش هسكت ومش هخاف ومش هرجع قصاد الموت
مش هركع ومش هخضع وأنا بهتف بعلو الصوت
سلاحي حق متأصل ، وحقي أقوي م النابوت
سنة بحالها واقف ثابت وما هتلاقي بمقاسي تابوت
أنا لوحدي هنا وسلمي ، أنا مش هرضي ع المسكوت
لف ودور وخططلي ورستقلي ، وآخرك بره بالشالوت
آه اتناشر سنة ، بس أحلامه مش عـ القد
عايز يشوف بلده أحلي ما في الأرض
وبعزم قال لازم ، كل الفساد يتهد
حط طفولته في جيبه ، وقال يا النجاح يا الفَقد
وقف فاتح صدره ، ولرصاصتك خد
ما تفوق بقي يا بهيم ، العمر مش بالعد
Tag: ردا-على-مفيش-ثائر-عنده-12-سنة
بدأوها يا ابني احنا بنحميك !
عبر عن رأيك
بس في الزنازين نرميك
اطلب حقك
فنفقعلك عنيك
اصلك لسه صغير
تستاهل الضرب
علي ضهر إيديك
أو بلطجي !
وخربت بيك !
Tag: المجلس-العسكري
عندنا بصيرة
وعنينا مفقوعة
ولأجلك مكملين
وخدودنا مسكوعة
ماشيين في مشوارنا
ورجلينا مقطوعة
وحتي في السكة
خطاوينا متبوعة !
ليه يا وطن كل ده؟!
دي أحلامنا مشروعة
ليه يا بلد فيكي الشريف متهان
ليه فيكي ناس لسه عاشقة للسجان
وراضيين بكرباجه ينزل علي الأبدان
مستخسرين يمسحوا دمعة الأوطان
ليه خاينك غني ، والوفي غلبان
ده العدل نديكي ، تدينا شوق وحنان
والحاصل بنهديكي ، تـِهدينا للتِعبان
فوقي من نومك ، والطشي السكران
ده المتغطي بالعسكر ، م الأساس العريان
إيه يا ناس اللي فيكوا حاصل ؟
ليه صوتنا ليكوا لسه مش واصل؟
إيه غير حرمتنا يبقي شغلنا الشاغل
الحق بينده ، ومحدش فيه سائل
ليه يسحلوه مهما كان عامل
ده الاعتصام حق ، والقانون قايل
افهموا بقي ، دم الوطن سايل
دكتور ليه يقتلوه ، ده للإسعاف بس !
كان نازل
مستني إيه قولي عشان تكون فاعل
ده حتي العيل للهموم شايل
مستني إيه قولي عشان تكون فاعل
أكتر من صورتها بتتعرى
وبتقولك غوووور
انت مش راجل !
هات إيدك نتبت علي الصبار
اصرخ وقول يسقط اللي بدمنا تجار
اقف رافع راسك وكمل المشوار
عشان تيجي الجنة ، لازم ندوق النار
ارسم بقلمك ويايا
المفقود جوه الصورة
ارفع راسك لأبعد حد
لملم النفس المكسورة
لا تقولي ديانتي وديانتك
ديانتنا البلد المقهورة
دفستني مدرعة بفلوسي
علي أرض النيل المأسورة
أرواحنا مرة في مرة بترخص
أرخص من تفسية الكورة
واجعاهم طوبة واتحدفت
ويتهموا الجتة المعصورة
وينادوا يقولوا دي مؤامرة
ما نجحتوها !
بفرم حقوقنا المهدورة
كفرني وخونني براحتك
وتصقفلك الناس مبهورة
كل ده لاجل نصيبك يكبر
في كيكة سياسية ومهبورة
بس شوف مين هيدافع عنك
لما تترمي في المحفورة
فوقوا يا بتوع حزب الكنبة
وخدوها نصيحة ومشورة
لو سبت الكرباج يوجع غيرك
الجاية هتبقي عليك الفورة
اسأل نفسك ولو مرة
أسئلة واقعية ومشهورة
ليه لسه الفِلة وسطينا
دول سوس!
خلوا مبانينا منخورة
ليه لسه حكومتنا ساكتة
مع ان الحال مش مستورة
ليه دايما تايهة ونعسانة
مبتفوَّقشي غير بنافورة
واسمع مني وقولها معايا
لاجل بلدنا المعذورة
يامسيحي إسلامي فـ ضهرك
بيزعق للظلم
دك غورة
رأيي ورأيك نازل الملعب
معدش مكاننا المقصورة
تبا
لقد نشروا الفساد
اطلقوا لأنفسهم العنان
أباحوا كل المحظورات
أهانوا كل القواعد
عذبوا ثم قتلوا
بعد أن استباحوا الأعراض
اغتصبوا الثروات
وألقوا لأصحابها الفتات
لا دين لهم
ولا عهود
فأصحاب الدين
لا يدنسوا المقدسات
وحين نسألهم
تعلو أصواتهم
بزيف الإجابات
اننا نحارب الإرهاب
دفاعا عن الحريات!!
وحين ننادي القانون كي نرتوي
من عدالة رب السماوات
تعلو أصابع الفيتو تخبرني
بأن السقاء مات
عن أي حرية يتحدثون
أيحمي ذئبا بشر؟!
أتجد لطف النسيم
في حر سقر ؟
أيخبرك البوذيون يوما
أن من الحيوانات البقر؟
إن سياستهم للمغيبين
حقا كالقمر
تراه في ابتعادك مضيئا
لكن إن عارضتهم
يظهر معدنه فوق وجهك
بسواد أحذية الغفر
أخبروني
ماذا فعل الطفل
كي يقتل؟
والأم حاملة الهم
لتثكل؟
والزوجة حديثة العهد
فترمل؟
إن الحقائق لا تكذب!
"ما نباح للكلاب
إلا بأسود خلف القضبان
يوما ستزأر الأسود
وتمزق جسد السجان
أحجار العزل ستتحول
لطلقات-قنابل- نيران"
يوما سأدعو في الأقصي
بلسان عربي يصدح
قوي البيان
ويؤذن ولدي
لنعلن إشارة النهاية
باسترداد الأوطان
Tag: سأحارب-حتى-تأتي
كنت بحلم يوم بحب
يعدي بيا السبع سماوات
من غير تمن
من غير مقاس
من غير أنا
مبيوزنش التضحيات
احط قلبي وسط ألف قلب
تعرفيه وبدون علامات
كنت بحلم
كنت بحلم يوم ف ضيقتي
ألاقي ايدك تسندنى من الوقعات
بس عادي أنا برضه راجل
وعليا الاستحمالات
وتيجي ضيقتك
ابقي ابوكي وابقي اخوكي
وابقي وابقي
زي ما تعوزنى الحاجات
والآلام والأزمات
وتيجي من تانى ضيقتي
وألف ايد تطبطب الا ايدك
والف شخص بحنية يركن
بقي قلبي ولا الجراجات
الي يطيب والي يساعد
والي يقوي والي يساند
وقلبي للهوا مصدات
اختارك انتي
حبك انتي حب ميتفهمشي
ولسه بتسألي السؤالات
بس العجيب مستكترة
آهة من الطعنات
ويا ريتها آهة مصرخة
دي آه مكتومة من سكات
صوتها اتنبح
شوقها اندبح
اهة مستخبية ف الأبيات
مستكترة أداوى روحي
اطيب جروحي
عشان افوقلك
تطعنى براحتك
وتعرفي قلبي
من العلامات
والي كنت عاوز افهمه
الحيرة والاستغرابات
علي كل وشوش البنات
لما اعمل حكايتي قصة
مستخبية في الأبيات
ويقولولي ده ضعيف
أو ميزان عقله خفيف
محدش قال راجل عفيف
فاهم معنى شريكة حياة
ما اصل الثقافة اتغيرت
وبقي كتر البنات ع الرف جاه
واتنسي عنتر زمانه
والنواهل والناقات
واتنست قطز حياته
وحكاياته
واشواق منه لجهاد
ومهما برضه اتغيرت
واتبدلت واتشقلبت
والثقافة استعبطت
معلش حبي ميتفهمشي
قدم بقي شوية رفات
شاخ وعجز يا ستي
رغم صغري
شكلي م الجيل الي فات
وادي حب افلاطونى
وعم افلاطونى مات
« prima precedente
Pagina 9 di 13.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.