راح اعرّفك
وهاشهّدك
عن كل ما يحوي الورق
عن كل كلمه كتبتها
ف حب البلاد
لن تسمعي
لكن هاقولك
ارجعي
واسأليني
وانتي راح تلقي الجواب
يارب
سبحانك الخالق
يارب
سبحانك القهّار
إردَب يتشعبط العاشق
يندب
العشق بالقنطار
وإتسَبّ
العقل لو سابق
في الطب
ويقولوا م الكُفّار
مبعوته من أزمان
للقلب جواباتك
يا درّة القلبين
يا حلم شاله جبين
يا حضن شاله أمين
على كتفي من شمسي
روحك بتحرسني
في العتمه تهمسلي
وف كتفي تقرصني
وتغازل الوشمه
بالحق قوللي يا مَسيح هذا الزمن
مبعوت لمين؟
قلت اني أحب المُعتدي
ردّيت أمين
وسمعت قولة مُنشدي
طالعه بأنين
إنّه بباب مولايا باسط للإيدين
وآدي إيديّا ع البيبان
متفرّقه
وآدي الآدان
باكي اللُقى
وآدي الزمان
شاهد على لون الدِما المسفوكه بإيدين اللي حارب
ما إتّقى
يعلن نهاية رحله كامله في الحياه
وفـ لحظه واحده بتنتهي سنين الشَقا
عسكر تحت وعسكر فوق...خنقوا رقبتي بألفين طوق..هبشوا اللي مالمّوش حكّامنا..م الإخشيدي لحد فاروق
مايكل عادلنفسي يجمعنا المعاد
بس مين في بلادنا يرحم؟
إتولدنا في بلاد
فيها مُر العِشْق علْقَم
والشنطه برضه ماتتقفل
وف ارض بيتنا متبّته
وعينيها لسه مثبّته
على لعبتي
ولـ بسمه فارقت فَرشتي
ولكراسات الأنشطه
ولـ فرده واحده مهربده
بصيت عليها
قلت ليها
ياترى
متأكده؟
والناس أنواع
ماهياش ثابته
فيه منهم مش واخد منها
أو ناس عايشه
بخوفها وساكته
أو ناس
شجاعتها بتقتلها
لقُبح ماشي في الغيطان فاشي,,رامي السموم للزرع والماشي,,راضي يا صُبح اني أموت مسموم؟,,دانا لو رضيت انتَ ماترضاشي
مايكل عادلقلب أبيض لون جدارك
عاش..ماعاش..ميّت يجوز
أصله عاصر يوم حصارك
عاش بيحلم بالغموس
قلب نادي
من ولادي
شاب يمكن او عجوز
ما الشباب في عيون بلادي
كنز بالي من الكنوز
والكنوز يابهيّه يامّا
لو فاتوها تصير تراب
أمّا بالك يا ام ذمّه
لو ترابك كان شباب؟!؟
…الخلاصه
كان في باله يابهيّه
يبقى أب عيال لطاف
يسقوا شوقه
يجروا فوقه
ينزف الدم ف عروقه
لجل لا يفوتهم عجاف
مش بقولك يابهيّه
إن اولادك نضاف؟
…المتمّه
ولده فاته
قبل مايبدأ حياته
شق عوده كلاب سجون
ربّى فيهم من عضامنا
باشـ مغسّل مال قارون
آه ياجامعه عضامنا يامّا
آه ياراميانه فـ حناك
زرت قبرك غصب عني
شفت إسمك من هناك
واقفه ع الشاهد بتقري
ع اللي كان أجره الهلاك
اسجنينا
وإدفنينا
نزّلي دموعك علينا
وإوعي تنسي يابهيّه
بالمراحم
تدعي لينا
بس إوعي تقولي إنك
ع المحبه
ربيتينا
إدفنينا
وإدفني حلمك معانا
إقري سوره
أو رساله
إجمعي قوم الجهاله
يهروا بدنك بالقواله
ان لجل الحب يامّا بتسجنينا
بس اوعي تقولي إنك
حبيتينا
وإنسي كدبة ان فيكي
م المذاهب حبتين
حبوا فيكي ان ليكي
م التسامح وردتين
وان فيكي يا بهيّه
الف شكل والف لون
دانتي رد الصدق فيكي
جثه هامده في السجون
ده اللي هان على بلده دمّه
بُكره بلده عليه تهون
واللي صانك
ونسيتيله
عمره مره ف يوم يصون؟
Tag: قلب-ابيض-مايكل-عا
« prima precedente
Pagina 3 di 7.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.