لو كنتى فين.. بقدر اشوفك كل وقت وكل حين.. بقدراحسك بالإيدين... واسمع غناكى وهو بيشق السكوت.. بقدر افوت من اى لحظة تغرّبك.... بُعد المسافة مقرّبك قرب الرموش للعين
محمد السيدتغيير ابوس رجلكم من قبل شوط تاني كل اللي مات منكم جايز يموت تاني
محمد السيدانا مش هامننى الجراح والألم ... ولا مين بيظلم ومين اتظلم ... انا بس خايف عليك لما تبعد ...تجّرح عيونك دموع الندم
محمد السيدمعقول تكون المشكلة هي الوجود؟! معقول خلافي مع الحياة ملهوش حدود؟! زاد اقتناعي بإن اطراف النزاع ... اتنين و رافض مشترك.. انسان ..... ودنيا.. والموت مسكن أسئلة وماهوش جواب.. الامضة بس بتنتقل.. من خانة الحاضر وجع.. لخانة الموجوع غياب.. اذن الوجود مش هو اصل المشكلة والأزمة لو أزمة حياة فلكل ازمة منحني الأزمة في الغالب...أنا
محمد السيدالموت مسكن اسئلة وماهوش جواب ____ الإمضا بس بس بتتنقل .. من خانة الحاضر وجع لخانة الموجوع غياب
محمد السيدالحلم بوابة أمل علي بكرة جى _ ما هو بكرة دنيا مضلمة والحلم ضي _ عكاز بيسند خطوتك لو يوم تميل _ الحلم ده اكبر دليل ان انت حي
محمد السيديا ضحكة متغربة عن يومي من يومك.... حرماني م التجربة وانا نفسي اعوم عومك.... معقول تكون بسمتي مش لايقة علي وشي.... وللا انتي خايفة ابتسم فدمعتي تلومك
محمد السيدولا ابوكي كان محتل .. ولا باشا عثمانلي __ ولا عمره داق الذل .. لو حتي متحلي __ معرفش يوم الأنا مع انه كان فرعون __ ولا عمر ضهر انحني غير لما بيصلي
محمد السيدالكلمة اللي بتعصي اوامرك
مش بتعمّر أي قصيدة..
قشّة بتقسم جوه دماغك ضهر لآخر فكرة جديدة...
أزمة شاعر كان بيدوّر ع الحدوتة المش تقليد...
لسه الشوف في عيونه عنيد...
لكن برضه الكلمة عنيدة
لما جناح القلب يرفرف
سيبه يطير...
اوعى تضيـّع طعم اللحظة بالتفكير
Pagina 1 di 9.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.