وصية سيد حجاب
ولما أموت
لو مت ع السرير ابقوا احرقوا الجسد
ونطوروا رمادى ع البيوت
وشوية لبيوت البلد
وشوية ترموهم على تانيس
وشوية حطوهم فى إيد ولد
ولد أكون بُسُته .. ولا أعرفوش
ولو أموت ..
قتيل – وانا من فتحة الهويس بافوت -
ابقوا اعملوا من الدما حنة
وحنوا بيها كفوف عريس
وهلال على مدنة
ونقرشوا بدمى
- على حيطان بيت نوبى تحت النيل –
اسمى
Tag: شعر-عامية
يا اصحابي .. ولا تستغربوا
دانا كلي شوق
شوقي سؤال
سؤالي إيد
بتدق باب
وكام أيادي تدق باب .. بلا جواب !
النجم داب
داب في شجن ملموم سحاب
قلبي رجف
لحن الأمل هدّا ووقف
شديت حبالك يا شبك
ماطلعش غير حبة سمك
حبة سمك .. والليل خراب
قلبي سرح
ويا الشبك لما انطرح
والنجم وسط الريح
يشاور ع الطريق
زي الصديق
ياريت يا نجم السكة
تصبح بجناحين
وتطير .. تطير .. معرفش فين
لكن تطير
وتاخدني وياك في بحور
غير دي البحور
دقيت علي باب الحبيب
واهو بعد ما الباب يتفتح
رجليا عارفة سكتي
وف قلبي عصفوري لحبيبي غنوته
الباب فضل مقفول .. وعصفوري اندبح
لكن دانا في كل شهر
في عروقي ميه كل بحر
وف قلبي بتموت
ميت فلوكة بميت أمل
طعم الحنين ..مُر
ولساني
فيه حنين
Tag: حنين
خليك هنا وحاسب
جبال المغماطيس
خليك شديد
مهما يكون الليل غطيس
Tag: ليل-صبر
يا سندباد .. يا سندباد
خدني لبلاد غير دي البلاد
لزمان خلاف ده
ولعباد غير دي البلاد
Tag: سفر
صابر آه ، وآه م الصبر
الشهر شد تلات سنين كالدهر
والناس في توب القهر ما بتبرا
والناس في توب القهر ما بيقولوا
Tag: قهر-صبر
Pagina 1 di 4.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.