مناهج الطب المصممة لعلاج المرضي وقتل الأطباء
أحمد العايديTag: novel
واكتشفت النهار دا
ان اكتر حاجة بتموت
هيا الحياة ..
فبقيت لما يجيني
خبر موت فلان
اترحم عليه دقيقة
وعلينا بالساعات
اللي مات
لضم دايرة في اكتمال
البدء
بالنهاية
اما اللي عايش
لسا متخيط
من جميع الجهات
....
.....
....
ولما اشوف جرحك فتح قبل الاون
اسكت .. احتراما
لحكمة يعلمها الاله
اللي بيجرح حبايبه
فيقربوله
يسبحوه.. يمجدوه .. ويهللوله
شكرا يارب
Tag: العشق-السادي
استوى جرحَك وطاب
إنتَ إكسير المحبة
إنت من كُتر اللي عدَّى
لسَّا إنت
تتنرفز
فتِهدى
تتَّاقل
فتعلى
وتمرجح جميع المخلوقات
السما أعلاها سيدك
والكواكب دول عبيدك
واللي حتحبَك.. حتندم
في انتظارك سندريلا..
ناسية إنك
سندباد
ربنا بيعرف
وجعِك في العروق
سايب 100 علامة ألم
البُكا..مش دم بتكبه العيون
الدم هو اللي الدموع في الدم
تكسرِيني تخسريني
و تكسَبي سِبحة
سبَّحي بعدد القلوب
اللي انتهت..
بين أديكي المؤمنة
البجحة
قلب الخَرَس يعمل خَرز أزرق
فالضميني و ضمي موتي المُشتهى
وادعيلي و انتي بتصلي
اتحرق..و احرَق
اسمي أحمد
في الليالي البرد
عُمري ماشتهيت غطاكي
كان نفسي بس تكوني جمبي
و تبردي حبة صغيرين
وعدتك تحزني..أحزن
موعدتكيش بالجنة و البطاطين
اتنازلت نزِلت للآخر في عِشقي
واللي يتنازل في الهوى
يشرب على مهله الهوان
دِبلِت خدود الورد
من ختم الخناجر
والطعنة تقريباً..
كل ما بتدبل.. تبان
من غير ما احلف
ربنا بيعرف
وجعك في العروق
سايب 100 علامة ألم
البُكا..مش دم بتكبه العيون
الدم هو اللي الدموع
في الدم .
مشوار مثالي للقلق
Tuesday, April 10, 2012
تُقعد ع الرصيف م التعَب
حاضن شوية شاي
فبيسألوك المخبرين
«والكابتن منين؟»
فبتبتسم..
أنا ابن الحواري الديَّقة
ف عين شمس،
وزخانيق الدويقة
معمول حسابي في الرُصاص
ومليش في البلد "دية"
نيتي..
أبسط من تقريرك فيا
أنا التراب اللي لازق
ف دم القميص
أنا السَّنيد لمقطوع النفَس
م الغاز
أنا انعكاس القمر
ف دموع المحبة
لحظة غياب
معمول حسابي في الرُصاص
ومليش في البلد "دية
أنا جايلك
ف صفك يالله صفيني
دا صوتي عْبَال ما يوصلِّك
أكون بالموت طِلِع ديني
بحبك غير جميع الناس
ودا تقرير عليه "سري"
متستاهليش يموتو الناس
عشانك وانتي
بتسيبي
أنا التراب اللي لازق
ف دم القميص
أنا السَّنيد لمقطوع النفَس
م الغاز
أنا انعكاس القمر
ف دموع المحبة
لحظة غياب الكهربا
ف "منصور"
أنا السور البشر
ميهَدنيش..
غير الحقيقة تبان
ثانية رجوع النور
تشتهي حد عارفة
انه عمره ما حيشتريها
تبكي ف أواخر
كلامه في المكالمة
وان سألها صوتها ماله؟
تقوله "عادي
انا عندي برد"..
ولأنه مكانش بيطَّمن بجد
ما يصدَّق يقفل
في الكلام
ويقول سلام
خايف تموت وانت حاسس انك معشتش ؟؟
أحمد العايدي« prima precedente
Pagina 6 di 8.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.