الحياه ليست بجنه و ليست بجحيم
Musad ElorbanyTag: inspirational
من كتر ما الكوتشي اتقطع كذا مره و صلحته برضه كذا مره أديه داب و مخليني مش عارف ألعب ... و بقيت من أقل شوطه أشوطها صوباعي يطلع يبص ع الشارع من شباك صغير و كل شويه أروح ألحمه .... محتاج أشتري كوتشي جديد و مش أي كوتشي هينفع .. كوتشي جديد بمواصفات معينه ......
و عشان كده محتاج فتره أختار كوتشي يناسبني و محتاج فتره كمان عشان يلين و ياخد شكل رجلي و أرتاح فيه ... بس الكوتشي ده مش هشتريه ...
هعمله ع إيدي لإني زهقت من الجاهز و زهقت من كوني لو شوفت حد لابس كوتشي حلو أجيب زيه بالظبط حتي لو هيبقي شكله حلو عليا ...
مش شرط الشكل .. المهم الأداء و الفاعليه ... لأول مره حاطط شكل للكوتشي اللي نفسي فيه ... و حاطط برضه شكل معين للآداء اللي هيكون عليه الكوتشي ده
بإختصار لازم أشتري كوتشي جديد قريب
Tag: inspirational
من الغباء أن تغرق في أحلامك دون الوصول إليها
Musad ElorbanyTag: inspirational
عفواً إنتهي زمن الذكاء و بدأ زمن الغباء
Musad ElorbanyTag: inspirational
نصيحه مني أي شخبطه هتشخبطها محتاجه في بعض الأحيان لقلم ألوان
طول ما إنتا ماسك القلم الإسود بس هتفضل في الحاله دي
قلم اسود و قلم ألـــــوان
Tag: inspirational
شئ مزعج عندما تحتاح للحظه صمت
لحظه واحده .. لحظه وحيده ...!!
و تكون الظروف المحيطه بك مؤهله و تساعدك
علي التفكير و إتخاذ القرار بكل سهوله و يسر
بينما لا يسمح لك عقلك بذلك بما يدور بداخله
من أصوات كتيره ترفض الصمت
فهي تعصف بعقلك يمنه و يسره
و تضغط عليك فتقاومها
فتكون النتيجه هي الإنفجار
إما في بكاء كعلامه للإستسلام
أو صراخ كعلامه للجنون
و ليس هناك إحتمال ثالث ....
Tag: inspirational
دماغ أي حد عامله زي سلسله المفاتيح .. ممكن تكون السلسله فيها مفاتيح كتير ... أو مفاتيح قليله...!
Musad ElorbanyTag: inspirational
ارمي حبيبك من فوق السطوح .. فإن عاش فهو لك بس وديه المستشفي الأول
ولو مات و ده إحتمال كبير .. فهو لم يكن لك منذ البدايه و إقرا عليه الفاتحه
Tag: inspirational
لو اتغزيت من ورا فاعلم انك فى المقدمه .. وأساسى أسااااااسي يعني فى حد واقف وراك
Musad ElorbanyTag: inspirational
لو الواحد عايز يجدد حياته و يخلي أيامه كلها فريش كده و جااامده آخر ثينج .. يسمع نصيحتي .. الحل هو إن الواحد يصفي نفسويته كل شويه مع نفسه .. هتقولي إزاي !! .. بص يا سيدي
هات ورقه و قلم و إكتب اللي جوه نفسويتك .. إكتب و إكتب .. و بعدين قطع الورق .. إكتب و قطع .. مفيش أي مشكله .. هتتعب فـ حاجه!!!! .. وربنا هترتاح .. يا سيدي لو معندكش كشاكيل أو قلم .. إديها كمبيوتر ع الوورد باد ........
أقولك !!! بلاش كل دوووول .. روووح ع أقرب مرايه ف بيتكو .. طبعاً كل واحد فينا عنده مرايه ف بيتهم .. روح ع أقرب مرايه .. بص فيها .. كلم نفسك .. معلش ياعم أنا مجنون إستحملني .. أيون كلم نفسك .. ساعات الواحد بيبقي جواه العلاج بتاعه نفسه .. إسال نفسك ياتري انا ممكن اعيش عمر أكتر من اللي عشته ده ؟؟ يعني الحزن اللي أنا فيه و الغضب ده بسبب الروتين هيخلوني اعيش عمر تاني؟! زمانك بتقول دلوقتي ((ياعم دا أنا حاسس إني كبرت 70 سنه و كمان حبه هودع)) عارف ده ليه؟؟؟ عشانك مش فاهم أي ثينج .. أيوه انت مش فاهم أي ثينج لإنك لازم تعرف إن الايام اللي جايه هتعيشها يعني هتعيشها .. بحلوها .. و بمرها .. غصب عنك هتعيشها .. الأقدار هتحاول تغير ف حياتك و حاجات كتير أوووي هتبقي ضدك .. بس حاجه واحده بس هتخليك قادر تواجه كل التحديات و المطبات دي .. الإراده .. كل واحد منزوع الإراده يقول روتين روتين روتين و نفسي أجدد حياتي بس مش عارف .. إعمل كا حاجه .. متحرمش نفسك من أي حاجه .. إكتشف نفسك .. إكتشف كل حاااجه .. الإرداه هي الطريقه اللي هتخليك تجدد حياتك و تبقي إنسان جديد كل فتره و متتحبطش و تبقي كووووول بشكل مش معقووووول ..
الهدف :: مصيبه ليكون أساساً معندكش هدف .. من أهم طرق تحقيق النجاح .. و ده مش كلامي .. ده كلام د/ إبراهيم الفقي .. يعني مش بتبقلظ عليكو و بتفلحس
-----------------------------------------
1- القرارات :أن تقرر أنك ستفعل
2- الرغبة
3- الهدف
4- الأسباب
5- اعتقادك أنك تستحق ذلك وأن تعتقد في قدراتك وتنميها..
6- أن يكون لديك قيم عليا تحافظ عليها.
-----------------------------------------
كل ده هيديك تحدي للواقع و هيخليك من إنسان محبط كئيب خارج من فيلم أبيض و إسود لواحد بالألوان كده و آخر نعنشه و مستعد يعمل أي ثينج و مقبل ع الحياه و متفائل حتي لو حصل إيه .. شديد فـ أزمته .. الحل هو الإراده اللي هتدينا التحدي .. و الهدف الأهم من كل شئ
Tag: inspirational
« prima precedente
Pagina 3 di 9.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.