وبعتي بالغرور عطفي
وفجأة خرجتي من صفي
ومين ممكن يشيل همك ولايملش ؟
سوي كتفي
ماتحكي اتكلمي وقولي
أنا في حبك لقيت حتفي
أقولك والدموع سابقة
أقولك من مزيد أسفي
وربي ما حد قواكي بجد
حقيقي غير ضعفي
Tag: شعر
كسرت سكوت
ساعة الوداع
بتقوله خايفة هناك
تموت
مسكينة مش
فاهمة انها
كات واقفة بتودع
تابوت !
Tag: شعر
أنا الراوي لكلام منظوم
مهوش من محض إبداعي
كلام أملاه عليا زمان
عظيم الحيلة في خداعي
بيجبرني في سواد الليل
أقوم
أكتب
كلام بشعر مالوش داعي
Tag: شعر
انجاز تاريخي رضاكي عني
أشعر معاه شرعيتي
تاجي المرصع بالياقوت
السود عيونك دولتي
مستسلمة الدنيا لإرادتي
الكون بحاله في قبضتي
Tag: شعر
أجمل حاجة عرفتها منكم
ان العملة الرايجة خداع
مين اشتري ماعادتش بتفرق
ولا عاد يفرق مين باع
والمانيكان جوا الفاترينة
ماعادش بيعرض إلا ضياع
الأسود بجميع درجاته
سلم بطلع فيه للقاع
Tag: شعر
حاجة غريبة
صوت دقات بندول الساعة ف قلب وداني
قنابل حرب
يبدو جيوش الزمن الصعب
محاصرة البار
حسيت رعب
مش حرص علي الدنيا الفانية
لا والنعمة
بس حأموت وانا شايل ذنب !
Tag: شعر
- كلام ابن عم الكلام -
رِكِب هز رجليه وشَدّْ اللجام
وعفَّر على النائمين ف الخيام
وحرّم علينا "الصبَّا والخزام"
وقال دا تمام
ودا مش تمام
كلام ابن عم الكلام محتاجينه
أنا يا عزيزي اتنشل منّي عين
و ف وقفة تانية اتنشل منّي عين
عشان بانتخاب ييجي ريس أمين
دخّلنا ف متاهة
ومين فين تباهى
بحجم الزبيبة ونور الجبين
إذا الفجر أذِّن وما صلِّتوش
هتُرزق منين ؟!
هتُرزق لأن اللي رازق إله
رزَق ف الجحر دودة مالهاش إدين
وتسألني مين السبب ف المحبة
أقول حبَّة حبَّة
هتسألني مين السبب ف الخصام
ائتلاف / اختلاف /
اكتشاف فوضى عَمِّتْ
بدت وادلهمت
وهمَّت وهمَّ بها لأ بلاش
أنا يا عزيزي اتقتلت ببلاش
وقوِّمت ثورة عشان تبقى باش
باشمهندس / أكاديمي / أستاذ
رئيس
وانا اللي انتخبتك رئيس
مش خيالي
وانا اللي دعيت أهلي ياخدوك
رئيس
عشان مصر مش أهل / أحباب / جماعة
عشان مصر تفضل وطن مش جماعة
عشان مصر تفضل وطن للجميع
محظوظ هو الشعب الذي عنده شاعر
وقت المصاعب لايركن الى الصمت
و الضوء الأخضر يضحك لك
علشان ما تعدّي
طيب.. على فين ها تروح؟
حاول بس تفك القدم
اللي اتمسمر ف الأرض
و تلم النظر اللى اتبعتر
ف مشاهدة أحوال الناس
بتدور فيهم على صاحبك؟
كان لسة معدّي
والحلم اللي مراود عينه
كان واخد عقله و سرحان
والركن الخالي اللي اتعود
يجمعكم
على حب ف مقهى البستان
فضّاه النادل من قلبه
لشاشات العرض اللي بتعلن
عن عودة أفلام العار.
مليت من نصحك
ولعلمك
لو سبتك غرقان ف طموحك
مين بس يرسيك على بر
الهامر اللي بتخطف عينك
أبدا مش ليك.
« prima precedente
Pagina 12 di 18.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.