سلام يا إدين قويه
خشنين وعرقانين
يناموا المغربيه
ويقوموا مبدرين
ويخضروا الجناين
ويطيروا الحمام
ويعمروا المداين
ويضيعوا فى الزحام
Stichwörter: سلام-للأرض
جرح النفس له وجعين ...يبكي القلب قبل العين .
أحمد فؤاد نجمأصل احنا شعب طيب
والطيبة فينا بلوه
تاخدنا من قُريب
وتجيبنا كلمة حلوة
وكل عاشق وله بهية
وكل شاعر وله أغاني
وأنا اللي عشق الصبايا كاري
أعشق وأغني ما أقدرش اداري
Stichwörter: اسكندرية
وييجى العيد هلاله جديد
يلاقي الناس حزين وسعيد
حسب شوقه يجود ويزيد
ويحرم ناس على كيفه
يولع للسعيد شمعة
ويطفي للحزين شمعة
ويرمي البسمة والدمعه
حسب شوقه وعلى كيفه.
Stichwörter: هلال-العيد
بلدي يالقمة عيش يا حلال
ع الأكالة .. وع الأكال
ياأم النيل سايل مواويل
كل مغني وله موال
وأنا أرغولي لما يمول
سوا فى الأخر
سوا فى الأول
مش حيغني إلا لمصر
يا ركوبة ركاب النصر
سرقوكي سكان القصر
والظابط عبد المأمور ..
Stichwörter: دور-يا-كلام
فلاحينك هما هما .. فلاحين رمسيس وخوفو .
أحمد فؤاد نجمStichwörter: مصر-الفلاحين
الحكاية إن البلد مش ملك ناسها
والخلايق في البلد مش مالكة راسها
والبلد يا ولاد بلدنا مش عليلة
البلد علتها جاية من خرسها
سكات .. سكات .. سكات
لكن لسكاتنا معنى .. أنطق من الكلام
مر الكلام زى الحسام
يقطع مكان ما يمر
أما المديح سهل ومريح
يخدع.. لكن بيضر
والكلمة دين من غير ايدين
بس الوفا عالحر.
« erste vorherige
Seite 4 von 6.
nächste letzte »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.