لماذا يوصون "كل" نابغ بالسفر ؟ ، اعلم أهمية السفر ، لكن ليس "كل" ! ولماذا يقرعونه حين يرفض ؟ فلو رحل الجميع من سيبقى هنا لعمل يحتاج لقرون من الإصلاح المستقبلي ؟!
عمر حسني جبريلأفكاري تتتئسر جوه ضلوعي
أفراحي تموت تحت دموعي
أقلامي تتكسر ويا طموحي
أوراقي تتحرق وسط شموعي
كلامي يتنطق رغم سكوتي
أحس إن أنا فرحان
إزاي ؟!
والجرح يا هوه ، يا موتي
هربان وجبان
ولا أنا للفرح جعان
مش عارف، مش حاسس،
مش قادر أكون أنا الإنسان
ناسي وحوش
أموالي قروش
طموحاتي فشوش
صهيون بيخون
حياتنا تهون
لو نقدر نتحرر بيها
أرضي بتتاخد
مدرستي معايا بتتعاهد
متسبنيش .... ما تبعنيش
وأنا مش قادر ليها أخون
مش عارف عنها أزود
مش قادر لحدودها أصون
مش قادر لتلاميذها أكون
حامي ،رادع، عنهم مدافع
ويا إخواتي ،وسط حياتي،
مع أحفادي
ضد الصهيون
لو يجتمعوا ، لوا يفتكروا
يوم كان بينا صلاح الدين
ليه نتهان ،ليه نتباع
ليه نستناهم راجعين
ليه ما نكونش أسود قادرين
ليه ما نكونش وحوش عارفين
إن القوة ويا الحكمة
ولو وسط الضلمة
ضد الظلم
تحقق عدل تولد نور
ليه ما أكونش صلاح الدين
ليه ما تكونش بطل حطين
ليه ما نكونش أسود قادرين
ليه مانكونش عرب
متحدين ، منتصرين
وسط ولادنا وجوه بلادنا
نصبح نمسي للراس رافعين
Tags: 2007
قالوله في طفولته
يا عيل ،
فيه حاجات كتير متتقالشي
اوعي تقول للغولة انك منها،
مبتخافشي
امشي جنب الحيط
ولو سألوك عن أي حاجة
قول متعرفشي
قول ناس كتيرة مالكة عيون
مبتشوفشي
و بلاليص كتيرة بودنتين
مسمعتشي
يوم ما يمسكولك عصاية
سبهم يضربوا
ومتبجحشي
اصل البجاحة عصاية زيادة
ويمكن للزيادة
متتحملشي
وعدي المعدي يعدي من غير معادية
ووطي الراس للريح المعدية
فمشي وسط الروس المطاطية
فاتسكع أجدع أفة من الهفأ
أبو دبابير مصدية
وخرج برضه مترحل وراسه محنية
واستلمه راجل تاني
بس جدع
له في المدادية
سنده قوم قوامه استقام
بس برضه استقامته متنية
مهما قومت الخضار المايل
ما يستقيم
إلا بشربة مية
من جوا ، مكفية
Tags: دور-على-شربتك
أمن الدولة ، اسم يقوله أي شخص لا تعنيه الدولة ، مهتما بأي شئ آخر غير أمنها
عمر حسني جبريلأيهما أكثر ألماً ، أن تصرخ فتتعذب ؟ أم تحتمل ألم ألا تصرخ فتتعذب أيضا ؟ اعلم ، أن الحرائق لا تستثني أحداً ، ووقت الهدم ، لا يخسر إلا من سار جوار الحائط ، والهدم قد اقترب !
عمر حسني جبريلذكريات الماضي حين تقابل أحلام الحاضر صدفة
تلتفت إليه ساخرة مؤكدة انه لن يصبح واقع المستقبل !
فتتزوي الأحلام ، وتفترش الذكريات ثنايا العقل
ولا تجد إلا كلمات ثلاث "كيف - لماذا - هل ؟
طول ما انت شايف الحياة إما وضع متدين / متخلف شرقي أو وضع. منحط / متقدم غربي هتفضل زيك زي غيرك عبارة عن عربية قطر ماشية على قضبان وضيعت أهم صفات فيك : العقل والإرادة والتفكير ، ضيعت على نفسك تكون إنسان !
كن صاحب تجربة خاصة - بلاش تكون عبارة عن آلة بتطبق برامج غيرك اللي واضعها !
الحلم ما هييجي
غير كتف صف الكتف
وبعين عليه ساهرة ,
تفنجل ولا بترف
وشريط الكلام كداب
,مسيره يوم ويسف
ساعتها راح تظهر ,
والكفة تتغير
وبدر العريس نوّر ,
للبلد يتزف
برغم إني معرفكيش
ليكي جوه قلبي حنين
ملكك بسمة محجوزة
وسط ألف ألف أنين
ولحظة تتلاقى عيوننا
تصغر القلوب عمرين
وننسى الهم والأوجاع
ونرسم الحياة قلبين
ونقطع صفحات الماضي
ونسَطَرْ الحياة سطرين
سطر نفسه يستأذن
وسطر يقوله متفقين
تعاني لأنك ضميرٌ بلا يد
عمر حسني جبريل« first previous
Page 11 of 13.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.